Ovttas - Sirkumpolára eamiálbmogat ja sin oskkoldagat

39 Neneca vuoras čájeha ja dearpá goavdá. Angakkoq, šaman dahje noaidi lea sirkum­polára eami­álbmogiid servodaga bajimus, ja orohaga deháleamos ássi. Sus leat eren­oamáš fámut ja attáldagat maid earát eai máhte. Noaidi čatná oktii olbmuid, elliid ja luo­ đu/luonddu vuoiŋŋaid. Noaidi galgá gula­hallat fámuiguin ja doalahit bahá vuoiŋŋaid eret orohagas. Sus leat noaide- gázzi mat veahkehit su beassat vuoiŋŋaid máilbmái. Noaidegázzi sáhttet leat eallit, lottit dahje guolit. Jos olbmot eai muitte árvvus atnit elliid ja luođu/luonddu, de ferte noaidi mátkkoštit vuoiŋŋaid máil- bmái ja ságastit ja čoavdit ášši nu ahte buot šaddá fas nu mo galgá. Gánda dahje nieida oahpahallagoahtá noaidin go lea 12–13 jahkásaš. Noaidin heive son gii lea eatnis goaŧus gierdan váralaš diliid, dahje jos oappát ja vieljat leat jápmán riegádettiin. Jos son lea áidna gii besttii heakka, de son rehkenasto heivvolaš noai­din, go son lea fámolaš ja gierdá ollu. Noaiddis lea goavddis man son dearpá. Goavdás leat govvosat mat einnostit mo dilálašvuođain manná ja boahtteáiggi. gulahallat hállat, hupmat oahpahallagoahtá hárjehallagoahtá goaŧus gos ohki (foster) šaddá ja gárvvistuvvo riegádahttináigái riegádettiin dan botta go riegádii besttii heakka bisui eallin dilálašvuođain diliin Noaidi-šaman-angakkoq čatná oktii buot vuoiŋŋaid