Ovttas - Sirkumpolára eamiálbmogat ja sin oskkoldagat

11 Nenecat Nenecat ásset Davvi-Ruoššas. Sii johtet bohc- cuiguin mearragáddái giđđat. Čakčat johtet fas čakča- ja dálveorohagaide siseatnamis. Nenecaid guovllut leat viidát. Dohko ii mana biilageaidnu. Gálvvut nugo sohkar ja jáffut bohtet helikopteriid mielde. Boazu addá ol- bmuide buot maid dárbbašit. Bohccot leat vuohkkasat fievrrideapmái maiddái. Mánát álget skuvlii 6 jahkásažžan ja vázzet skuvlla gitta dassá go leat 16 jahkásaččat. Stuorra oasi jagis fertejit ássat internáhtas . Dat dahká ahte mánát fertejit fárret eret eatnis, áhčis ja boazodoalus. Nenecaid lohku lea sullii 8 000. Maŋimuš áiggiid lea leamaš stuorra máilmmiviidosaš beroštupmi stuorra oljohivvodahkii mii čájehuvvo gávdno nenecaid árbevirolaš guohtuneatnamiin. Nenecat Davvi-Ruoššas. vuohkkasat buorit internáhtas báiki gos ferte orrut dan botta go vázzá skuvlla Nenecanieida ráhkkanahttimin vuodjen­hearggi. Nenecat sáimmastallamin.