Ovttas - Oskkoldagat ja eallinoaidnu

Juvddálašvuohta 84 85 Juvddálašvuohta Loga ja vástit 1. Gii lei vuosttaš juvddálaš? 2. Manin gohčoduvvojit sii geat čuvvot juvddálaš oskku? 3. Geas, juvddálaččat jáhkket ahte sii leat ožžon Torahrullaid? 4. Maid sáhttá lohkat Torah:s? 5. Mii lea siddur? 6. Namut golbma dehálaš juvddálaš allabasi! 7. Manin gohčoduvvo juvddálaččaid rohkadallan ja čoahkkananbáiki? 8. Man ollu olbmot máilmmis leat juvddálaččat? 9. Man davviriikkas ásset eanemus juvddálaččat? Daga ja oahpa eambbo 1. Loga: Ipmila ja Abrahama šiehtadus s. 69. a) Muital iežat sániiguin maid soai šiehtadeigga! á) Merke kártii man viiddis Kanaan lei 2. Loga: Eallinnjuolggadusat s. 76–77. Daga guokte kolonna masa deavd­dát maid lea lohpi bor- rat ja maid ii leat lohpi borrat jos lea juvddálaš. 3. Lohket: juvddálaš geaŧus hávdái s. 78–79. Sáhttibehtet maid ohcat dieđuid eará gálduin nugo girjjiin, neahtas ja govain. Dahket PowerPoint ovdanbuktima mas muitalehpet ja čájehehpet mo juvddálaččat ávvudit stuorra dáhpáhusaid nugo mánnáoažžuma, nuorravuođaáiggi, náitaleami ja hávdádeami. 4. Lohket girjji dahje gehččet filmma: Anne Frank`s dagbok 5. Loga: Allabasit s. 72–73. Rehkenastte guđe vuođđolohku lea juvddálaš kaleandara mielde go don leat 12 jagi! 6. Loga: Holocaustbeaivi s. 74. Rehkenastte man guhkes áigi lea dássái go juvddálaččat besse Auschwitz bargoleairras. 7. Dahket muitospealu: Dárbbašehpet koarttaid mat leat seammá stuorrát ja seammá ivnnis. Juohke koart- tas galgá leat okta sátni: torah- rulla, talmud, sabbat, hanukka­, siddur, rabbi, kippa, koscher, birasčuohpaheapmi, bat mitzva, bar mitzva, ortodoksa, synagoga Nuppiid koarttain galgá čuožžut čilgehus sániide. Čilgehus-koarttat ja sátne-koarttat galget heivet oktii ja šaddat bárran. Spellet muito­ spealu ja ohcet rivttes báraid. 8. Oza lassi dieđuid eará gálduin, ja čále muitalusa das mo juvddálaš heajat čađahuvvojit! máilmmis ja davviriikkain­ Abraham lea buot juvddálaččaid máddu ja áhčči, ja son lei vuosttaš juvddálaš. Dál ásset juvddálaččat miehtá máilmmi. 14 miljovnna olbmo leat juvddálaččat. Bealli dain ásset Amerihkás. Israel lea juvddálaš riika ja doppe ásset bir- rasii vihtta miljovnna juvddálačča. Stuorámus juvddálaš servodat dav­ viriikkain lea Ruoŧas. Doppe ásset otne 15 000–17 000 juvddálačča. Ollu juvddálaččat báhtaredje nasisttain Ruŧŧii 2. máilmmi­ soađi­áigge. Suomas ásset 1 500 juvddá­lačča. Norggas leat guokte ortodoksa juvddálaš searvegotti. Troandin-gávpogis ja Oslos. Birra- sii 1 000 olbmo leat miellahttun dáid oskuservodagain. Juvddá­ laččaid oskuservodagaid nam- ma lea: Mosailaš oskuservodat. Namma lea danne go Movsses lea juvddálašvuođa deháleamos olmmoš. Synagoga Turkus, Suomas.