Ovttas - Oskkoldagat ja eallinoaidnu

Juvddálašvuohta 78 79 Juvddálaš Riegádeapmi Mánná oažžu nama ja galgá birra­ čuohpahuvvot gávcci beaivve maŋŋá go lea riegádan. Dát dáhpáhuvvá muhtin čeahpi luhtte man gohčodit namain mohel. Dát lea viehka boares dáhpi. Movsses-girjjit muitalit ahte Ipmil gohčui Abrahama iežas ja buot iežas bártniid birračuohpahuvvot. Dan rájes leat buot juvddálaš gánddat birra­ čuohpa­huvvon, oaivvildit juvddá­laččat. Birračuohpahus dáhpáhuvvá nu ahte cis- sá ovdanáhkis čuohpahuvvo oassi eret. Nuorravuođaáigi Nieida lea rávesolmmoš go deavdá 12 jagi ja ovtta beaivvi. Dalle ávvudit bat mitzva . Bat mitzva mearkkaša: Geatnegahtton nieida. Nieiddat ohppet juvddálašoskkoldaga birra ja muhtin guovlluin ožžot sii maid synagogas lohkat jitnosit Torah:s. Nieiddat álget dan rájes čuovvugoahtit juvddálaš eallinnjuolgga- dusaid ja lágaid. Gánddat leat rávesolbmot go šaddet 13 jagi ja ovtta beaivvi. Dalle sáhttet ávvu- dit bar mitzva. Bar mitzva mearkkaša: Geatnegahtton gánda. Gánddat gal- get máhttit, áddet ja čuovvugoahtit juvddálaš lágaid. Bar mitzva ja bat mitzva lea loahppaávvudeapmi go leat leamaš juvddálaš oahpus. Doppe sii leat oahppan lohkat Torah ja Talmud ja oahppan juvddálašoskku birra. Synagogas lea ipmilbálvalus dan beaivvi, ja gánddat lohket Torah:s hebreágillii. Náitaleapmi Ollu juvddálaččat oaivvildit ahte Ipmil geatnegahttá olbmuid náitalit, oažžut mánáid ja hukset bearraša. Ipmil geatne- gahttá dušše sin geat sáhttet. Náitin lea juvddálaččaid eallimis stuorra dáhpáhus ja ollugat ávvudit stuorra heajaiguin. Jápmin ja hávdádeapmi Juvddálaččat leat oahppan olmmošvuođa ja olbmoeallima árv­vus atnit. Hávdá­ deami bokte galgá čájehit ahte árv­ vus atná su gii lea jápmán. Liika galgá gieđahallot čábbát ja allaárvosaččat, ja hávdáduvvot 3 beaivvi maŋŋá jáp- mima. Maŋŋá jápmima lea čieža beaivve moraštanáigi. Olbmot čoahkkanit jápmán olbmo ruktui, ja loh- ket kaddish. Kaddish lea rohkos mii gud- nejahttá Ipmila ja eallima. Jápmán olbmo lagamuččat moraštit jagi. Moraštanjagis eai leat sii mielde allabasiid ávvudeamen. geaŧus hávdái Juvddálaččat ávvudit stuorra dáhpáhusaid eallimis. Gándamánáš birračuohpahuvvo. Juvddálaččat jáhk- ket ahte dát dáhpi lea leamaš Abraham áigge rájes dábálaš. Nieiddat eai birračuohpahuvvo, muhto ollugat ávvudit maiddái go nieidamánná riegáda­. Gánddat ja nieiddat ávvudit nuorravuođaáiggi ieš­ guđet láhkai. Šaddet stuorra heajat go bárra náita- leaba. Jápmán olbmot hávdáduvvojit nu fargga go vejolaš. Bar Mitzva. Oskku gánddat. Gánda lea oahppan juvddálaš oskku bassi teavsttaid loh- kat ja máhttá dál buot njuolggadusaid.