Ovttas - Oskkoldagat ja eallinoaidnu

Isláma 6 7 Ná muslimat dovddastit oskkuset (Shahadah) Ii gávdno eará ipmil go Ipmil, ja Muhammed lea su profehta. Dát čuojašii Arabia-gillii ná la ilaha illa allah, wa muhammadan rasulu Allah. Vihtta čuoldda Isláma Isláma sátni mearkkaša Gopmirdit Ipmila ovdii. Isláma lea máilmmi nubbin viidámus oskkoldat ja vulggii álggus Arabias. Muhammed vuođđudii islá- ma jagi 622 m.Kr. Dál ásset muslimat sihke Afrih- kás, Amerihkás, Ásias ja Eurohpás. Muslim lea olmmoš gii čuovvu islámaoskkolda- ga njuolggadusaid. Islámaoskkoldagas leat vihtta čuoldda, maid muslimat jáhkket Ipmil lea addán olbmuide čuovvut. Dat leat oskkudovddastus, roh- kosat, divatmáksin, fástu ja bassivádjolus Mekkai. Muslimat oskot ovtta Ipmilii. Ipmil lea Arabia-gillii Allah. Korana lea muslimaid bassi girji. Moskea lea muslimaid rohkadallanbáiki ja deaivvadanbáiki. Muslimat gopmirdit ipmila ovdii. 1. čuolda: Oskut ipmilii (Allahii) Muslimat jáhkket ahte gávdno dušše okta ipmil. Arabia-gillii lea ipmil Allah. Allah diehtá buot ja lea leamaš álo. Allah ii leat nisu ii ge almmái/dievdu. Sus eai leat mánát ja eai ge váhnemat. Muslimat jáhkket Allah lea sivdnidan máilmmi ja buot eallima. Son lea mearridan mo buot galget doaibmat. Šattut, eallit ja lottit dahket dan maid son lea mearridan. Ná muslimat dovddastit oskkuset (Shahadah): Ii gávdno eará ipmil go Ipmil, ja Muhammed lea su profehta. Son gii dáidda sániide jáhkká ja dovddasta jitnosit, de lea muslima. Oskkudovddastusa galgá dadjat Arabia-gillii, beroškeahttá das makkár eatnigiella olbmuin lea. Muslimat oaivvildit ahte Arabia-giella lea Ipmila giella.