Ovttas - Oskkoldagat ja eallinoaidnu

Juvddálašvuohta 76 77 Rohkadallan Oskkolaš juvddálaččat rohka­dallet golbmii beaivái. Iđđedis, maŋŋá gaskabeaivvi ja eah- kedis. Ollu juvddálaš dievddut bidjet kippa oaivái go rohkadallet. Sin mielas kippa muittuha ahte Ipmil lea lahka ja čájeha maid ahte sii árvvus atnet Ipmila. Dievddut bidjet muhtin govda liinni hárduid ála. Dat gohčoduvvo namain Tallit. Dat lea dávjá čábbát hervejuvvon. Das leat diehpážat juohke čiegas. Juohke diehpis leat vihtta čuolmma muittuhit vihtta Movsses-girjji. Borramuš Torah:s ja Talmudas čužžot buot borramuš- ja borrannjuolggadusat. Borramuš mii lea lobálaš biebmun, gohčoduvvo koscher . Ealli ferte njuov­ vat vissis njuolggadusaid mielde jos galgá leat koscher. Norggas ii leat loh- pi njuovvat juvddálaš vuogi mielde, nu ahte Norgga juvddálaččat fertejit oastit koscherbierggu olgoriikkas. Ii leat lohpi borrat varraborramušaid , skálžoelliid nu go reappáid ja širráid, boralottiid, divrriid ja njoammuspiriid. Lea lohpi borrat bierggu mii boahtá elliin mat smirezastet ja main leat luddestat­gaccat. Guoli lea lohpi bor- rat. Buotlágan šattuid ja ruotnasiid lea lohpi borrat. Maniid lea lohpi borrat. Ii leat lohpi seaguhit mielkki ja bierggu. Torah:s čuožžu ahte ii leat lohpi vuoššat gicci su eatnis mielkkis. Talmudas leat rabbinat čilgen ahte ii leat lohpi seaguhit mielkki ja bierggu. Ollu juvddálaččat čuvvot dán njuolggadusa. Muhtimat huksejit gievkkanii guokte ossodaga. Nuppis gieđahallo biergu ja nuppis fas mielki, vuostá, youghurt ja eará mielkebiebmu. Sii eai goassege bora bierggu ja mielkebiepmu oktanaga. Sis leat sierra gáffalat ja niibbit birgui ja mielkái. Láhtten Torah muitala mo olbmot galget eal- lit buori ja rehálaš eallima. Doppe čuožžu mo olbmot galget láhttet guđet guimmiiguin. Buot eallin lea allaárvosaš juvddá­ laččaid gaskkas. Danne lea nuppiid dehálaš guossohit ja čájehit olmmošvuođa. Buot juvddálaččat ohppet árvvus atnit earáid, jo unnivuođa rájes. Juvddálašvuođa guovddážis leat eallinnjuolggadu- sat. Juvddálaččat jáhkket ahte Ipmil lea addán sid- jiide lágaid maid sii galget čuovvut. Daid sáhttá loh- kat ja oahppat Torah:s. Juvddálaččat jáhkket ahte dat mii Torah:s čuožžu, lea Ipmila dáhttu. Dat lea oassi Ipmila ja Abrahama šiehtadusas mii dahkkui 4000 jagi dassái. Njuolggadusain čuožžu mo borrat, maid borrat, mo láhttet ja rohkadallat. Eallinnjuolggadusat Kippa (gahpir). Tallit (liidni mii orru hárduid badjel).