Ovttas - Oskkoldagat ja eallinoaidnu

Juvddálašvuohta 72 73 Allabasit Juvddálaččaid áigerehket álgá das go sii jáhkket Ipmil sivdnidii máilmmi. Min jahki 2009 ja 2010 lea juvddálaččaid áigerehkegis jahki 5770. Miehtá jagi leat dávjá allabasit ja ávvudeamit. Dalle sii ávvudit dehálaš juvddálaš historjjálaš dáhpáhusaid. Sabbat, Hanukka ja Pesach leat deháleamos allabasit. Ollugat ávvudit allabasiid, go sin mielas lea dehálaš čuovvut kultuvrralaš árbevieruid ja čájehit iežaset juvddálaš identi tehta. Sabbat Oktii vahkus lea Sabbat. Sabbat álgá bearjadateahket ja bistá lávvardateahke dii. Dalle čoahkkana olles bearaš. Eamit cahkkeha gintaliid, ja dáhttu Ipmila bures sivdnidit borramuša, bearraša ja barggu. Isit máidnu eamida ja lohká teavsttaid sivdnideami ja sabbat birra. Sii borret njálgga borramušaid ja roh kadallet. Dievddut mannet synagogii. Sabbat áigge ii leat lohpi bargat. Juvddá laččat oaivvildit ahte Ipmil attii Sabbat sidjiide skeaŋkan, vai sii áddejit árvvus atnit bearašeallima ja hukset buriid bearašoktavuođaid. Hanukka Oktii lei nu ahte muhtin soahteveahkalei vuollástan juvddálaččaid riikka. Juvddálač čat eai ožžon lobi oskut ja čuovvut iežaset eallinnjuolggadusaid. Judas Makkabeus fallehii eanahearráid ja sii fertejedje vuol lánit. Dan rájes ožžo juvddálaččat fas tempeliid ruovttoluotta ja sáhtte osku goahtit iežaset oskku. Sii cahkkehedje tem- pelis oljolámppá. Lámppás ii lean olju go ovtta beaivái, muhto ipmašat dahke ahte lámpá bulii olles gávcci beaivve. Danne sii illudit ja ávvudit Hanukka gávcci beaivve, cahkkehit gávcci gintala ja láv lot sálmmaid. Lea dábálaš ahte mánát ožžot skeaŋkkaid dahje ruđa. Dát dáhpáhuvvá skábma mánu ja juovlamánu molsumis. Pesach Pesach lea juvddálaččaid beassášávvu deapmi, ja stuorámus ja deháleamos bassi. Dan sii ávvudit njukčamánus dahje cuoŋománus. Dalle borret lábbábierggu ja muitalit ođđasit muitalusa das go Movsses vuojihii juvddálaččaid eret Egyptas. Juvddálaččat leat seammá go israellaččat. Hanukka ávvudeapmi. Beassášávvudeapmi lea Pesach.