Ovttas - Oskkoldagat ja eallinoaidnu

Juvddálašvuohta 70 71 Bassi čállosat Basimus juvddálaš čállosat leat eallinnjuolggadu- sat maid sii jáhkket Movsses oaččui ipmilis. Dáid njuolggadusaid gohčodit namain Torah. Čilgehusat njuolggadusaide čužžot Talmudas. Siddur lea juvddálaččaid rohkosgirji. Torah Torah lea juvddálaččaid basimus girji. Doppe leat 613 njuolggadusa mat muitalit mo juvddálaččat galget eallit. Torah lea gieđain čállon rullaide. Dat otne ain čállojit bleahkain ja dolggiin gieđain. Torahrullaid ii leat lohpi guoskat suorpmaiguin. Torahrullat leat čállon ja čállojit hebreágillii. Torah:s čuožžu seammá go viđa Movsses-girjjiis, mii lea risttalaččaid biibbal boares testamenttas. Talmud Álggus ledje rabbinat geat njálmmálaččat muitaledje olbmuide mo sii galge čuovvut njuolggadusaid. Dađistaga sii leat čállán čilgehusaid, vai buot máilmmi juvddálaččat sáhttet lohkat sin čilgehusaid. Ii leat álo álki čuovvut njuolggadusaid mat čužžot Torahrullain. Ii ge leat álo álki áddet mii oaivvilduvvo. Dađe mielde go ođđa áig- git leat boahtán, de ferte Torah -oahpu heivehit otná olbmuide ja servodagaide. Danne lea nu ahte Talmud ain rievdaduv vo, ja ain lasihuvvojit čilgehusat dasa ahte mo olbmot galget čuovvut njuolggadusaid. Siddur Juvddálaččaid rohkosgirji gohčoduvvo namain Siddur. Siddur sátni mearkkaša ráidu. Rohkosat Sidduris leat ge maŋŋálagaid bardojuvvon nu ahte dat čuovvu kaleandara. Sidduris čuožžu mo čađahit ipmilbálvalusaid synagogas. Sáhttá maid dás lohkat mo rohkadallat ruovttus. Maiddái buressivdnádusaid gávdná siddu- ris. Shema lea deháleamos rohkos maid buot juvddálaš mánát ohppet. Shema lea eahketrohkos ollu ruovttuin. Torah-rulla ja yad. Yad geavahit go áigot čujuhit muhtin tekstii. Torah-rulla ii leat lohpi lihkahit suorpmaiguin. Teaksta mii oidno guovddážis, lea Talmud. Birra leat rabbinaid čilgehusat. Shema Gula, Israel! Hearrá, min Ipmil, Hearrá lea okta. Ja, don galggat ráhkistit Hearrá, du Ipmilat, oba du váimmustat, ja oba du sielustat, ja oba du fámustat. 5. Movssesgirji, 6, 4–5 Torahrulla ja oahpahus.