Ovttas - Oskkoldagat ja eallinoaidnu

Juvddálašvuohta 68 69 Juvddálašvuohta Juvddálašvuohta lea okta daid boarráseamos máilmmi oskkoldagain. Vuosttaš juvddálaš lei Abraham­. Son lei hebreálaš ja elii 4000 jagi dassá. Olbmot geat čuvvot juvddálašvuođa, gohčo­duvvo­ jit juvddálažžan. Juvddálaččat jáhkket ahte gávdno dušše okta Ipmil. Tanach lea juvddálaččaid biibbal. Doppe lea Torah mii lea sin basimus girji. Torah:s čuožžu mo olbmot galget eallit. Bearjadat lea juvddálaččaid bassi beaivi. Dalle čoahkkana bearaš rohkadallat, giitit ja buressivdnidit. Buohkat borret njálgga borramuša. Juohke lávvardaga čoahkkanit ollu olbmot synagogii. Synagoga lea juvddálaččaid rohkosbáiki ja deaivvadanbáiki. Hebreálaččat ledje juvddálaččaid máttut. Sii elle Gaskanuorttas birrasii 4000 jagi dassái. Sii ásse sáttomeahciravddain, ja joh- te ja ohce čázi šibihiidda. Olbmot osko luondduipmiliidda ja beaivvážii. Olbmot jáhkke ahte jos sii bálvaledje luonddu ja beaivváža, de dat fas lážii buori šattu ja dálkkiid. Abraham elii dan áigge. Juvddálaččat jáhkket ahte son ásai Uras Gaskanuorttas ja lei hebreálaš. Ipmil bođii su lusa ja celkkii ahte son lea áidna duohta Ipmil. Son lea sivdnidan buot sihke eatnamis ja almmis. Son lea agálaš ja buotdiehtti. Ii oktage leat su bajábealde. Ipmil dáhtui Abrahama guođđit Ur. Ipmil celkkii sut­ nje ahte son galgá šaddat olles álbmoga isidin ja jođiheaddjin. Ipmil lohpidii addit Kanaan-eatnama Abrahamii ja su maŋisbohttiide. Kanaan galggai šaddat sin ruovttu­ riikan. Dan guovllus lea dál Israel, Pales­tina ja Libanon. Ipmil lohpidii maid ahte son lea ieš válljen Abra­ hama álbmoga leat iežas álbmogin, ja ahte sii agi beaivái galget leat Ipmila álbmot. Dan ovddas galge Abraham, su álbmot­ja maŋisboahttit čuovvut Ipmila njuolggadusaid ja oskut sutnje. Sabbat. Bearaš čoahkkanan boradit. Sáttomeahcci dan guovllus gos Abraham jođii. Ipmila ja Abrahama šiehtadus