Ovttas - Oskkoldagat ja eallinoaidnu

Buddhisma 52 53 Eallinnjuolggadusat Vuosttaš eallinjuolggadus lea dehálea­ mos. Ii leat lohpi goddit elliid iige olbmuid. Danne leat ollu buddhisttat šattosborrit. Dat mearkkaša ahte sii eai bora bierg­gu danne go buddhisma gieldá goddimis elliid. Muŋk­kain lea čáhcefilttar vai ealli orga­nismmat mat ellet čázis, eai galgga šaddat sin čoavjái go juhket čázi. Muđui leat eallinnjuolggadusat hábmejuvvon nu ahte olmmoš ii galggašii bávččagahttit ja hávváduhttit earáid. Alkoholavuovdin ja vearjovuovdin leat ov- damearkka dihtii dakkár dagut mat sáhttet vahágahttit earáid. Rivttes dagut leat dehálaččat buddhismas. Rivttes dagut leat dárbbašlaččat jos galgá oažžut buori kar- ma ja ođđa eallima. Buddhismas leat vihtta eallin­ njuolggadusa mat veahkehit olbmuid eallit rivttes láhkai ja dahkat rivttes daguid. Olmmoš ii galgga goddit váldit juoidá mii ii leat sutnje addon boasttu seksuála daguid dahkat gielistit geavahit gárrenmirkkuid Buddha čájeha luotta –Mo lea dat Gautama, jearai muhtin brahman. –Jukset go buohkat, geaidda don čájehat luotta, Nirvana? Gautama vástidii: –Muhtimat jukset nirvana, earát eai. –Muhto sihke nirvana, luodda ja čilgehusat dohko gávdnojit, manne eai dalle buohkat joavdda dohko? jearai brahman. –Dalle ferten mun dus vuos jearrat, dajai Gautama. –Dieđát go luotta Rajagahai? Rajagaha lei gávpot das lahkosis. Son jotkkii: –Jos muhtin dievdu jearrá luotta Rajagahai, de don dárkilit čilget sutnje luotta dohko. Liikká dievdu sáhttá vázzit boastut ja láhppot, ja ii deaivva gávpogii. Dasto boahtá nubbi ja jearrá luotta Rajagahai. Don čilget sutnje maid luotta seammá láhkai. Nubbi dievdu álkit gávdná luotta ja vázzá njuolgga gávpogii. –Mo sáhttá nubbi láhppot ja nubbi gávdnat luotta go sihke luodda ja gávpot gávdnoba? –Ja don leat guktui seammá láhkai ofelastán? –Maid mun veaján dasa? Mun han dušše ofelasten. –Na, justa, dajai Gautama. –Nirvana gávdno, luodda dohko gávdno, ja mun ofe­ last­tán ja oahpahan buot olbmuide mo sii galget eallit. Muhtimat mu ohppiin jukset nirvana, ja earát fas eai. –Maid mun veaján dasa? Mun han dušše čájehan ja čilgen luotta. Buddha oahpaha muŋkkaid.