Ovttas - Oskkoldagat ja eallinoaidnu

Hinduisttalaččat basadea- men Ganges-jogas. 33 32 Muitalus Murugan birra Oktii lei bahás Surapadma vuollástan olles máilmmi. Son lei čeavlái ja barggai ollu baháid. Ii oktage bihtán sutnje bargat maidege. Dušše ipmila Shiva bárdni sáhtii hávváduhttit Surapadma. Dan áigge ii lean Shivas vel bárdni. Ipmilat manne Shiva lusa ja dáhtto su oažžut bártni mii sáhtii vuollástit Surapadma. Shiva rabastii goalmmát čalmmi ja luoitilii guhtta dollanjuokčama. Dollaipmil Agni válddii dolla­ n­juokčamiid, muhto dat ledje nu báhkkasat ahte son ii nago­ dan doallat daid. Son attii dollanjuokčamiid Gangesii, ja bassi eatnu doalvvui daid Saravana Poikai, muhtin jeag­ gái Himalayai. Doppe šadde dollanjuokčamat guhtta čáppa mánnán. Mánát govddodedje iešguđet lotuslieđis. Guhtta nissona bohte ja lávggodedje das. Sii fuomášedje mánáid ja válde daid fárrui. Dasto bođiiga Shiva ja su eamit Parvati. Parvati loktii buot mánáid sallii, ja nammadii daid alcces. Galggai álkit Parvatii daid fátmmastit, de mánát šadde oktan rumažin mas ledje guhtta oaivvi ja guoktenuppelohkái gieđa. Nu riegádii Murugan. Murugan lei čáppa, jierbmás ja gievrras gánda. Mánnán jo lei čeahpes soalddát. Shiva attii sutnje sáitti ja máŋga eará váralaš vearjju. Shiva sáddii de Murugan soahtat Sura­padmain. Das šattai dakkár soahti maid ii oktage leat šat maŋŋá vásihan. Surapadma geavahii buot iežas váraleamos vearjjuid, ja molssui dávjá hámi. Son datte ii nagodan hávváduhttit Murugan. Loahpas Surapadma báhtarii ja šattai stuorra mango­ muorran mearabotnis. Muru­gan sáddii sáittis čuovgga leavttuin ja luddii muora guovtti sadjái. Sura­ padma jávkkai, ja muorra šattai vuoncá­varrisin ja hearvaloddin. Murugan geavaha dál hearvalotti riidemii, ja vuoncávarris lea mearkan su leavggas. Buot almmi ja eatnama ealibat ledje ilus go Murugan vuittii soađi ja vuollástii Surapadma. Dharma Dharma muitala mii lea riekta ja mii lea boastut eallimis. Dharmas čuožžu ahte olbmot galget bissut ja eallit dan servodagas masa sii riegádit. Doppe čuožžu maid ahte sii galget lávlut, oaffaruššat ja rohkadallat ipmiliidda. Dharma ávžžuha olbmuid basadit bassi eanus Gangesis, vai šaddet buhttásat. Dološ hinduteavsttat juhket albmáid/dievdduid eallima njealji oassái. Dharma muitala ahte albmát galget eallima osiin eallit nu go teavsttain čuožžu. Hinduisttalaččat jáhkket ahte lea dehálaš čuovvut dharma jos galgá oažžut beastima ja boahtte ealli- mis buoret dili. Hinduismmas leat ollu muitalusat ipmiliid birra.