Ovttas - Oskkoldagat ja eallinoaidnu

Isláma 26 27 Isláma viidána ja ollu olbmot buot davviriikkain gullet Isláma oskui. Dušše Ruoŧas ásset 300 000 muslima. Dánmárkkus leat 200 000 ja Norggas 120 000. Suomas leat 20 000 muslima. Oslos leat guokte moskea. Moskea lea buot davviriikka mus- limaid deaivvadanbáiki. Davviriikkaide leat áiggiid čađa boahtán olbmot máŋgga guovllus máilm- mis. Dál leat eanaš muslimat davviriikkalaččat, muhto sin váhnemat, áhkut ja ádját bohtet Pa- kistanas, Durkkas, Somalias, Irakas, Iranas ja Bosnia-­Hercegovinas. Davviriikkaid muslimat leat iešguđetláganat. Muhtimat čuvvot njuolggadusaid ja árbevieruid hui dárkilit. Earát fas eai dan daga. Muhtin nieiddat gokčet oaivvi hijabiin, ja earát eai dan daga. Loga ja vástit 1. Čilge isláma sáni mearkkašumi! 2. Gii vuođđudii isláma? 3. Manin gohčodit olbmuid geat čuvvot islámaoskku? 4. Manin gohčodit muslimaid rohkadallanbáikki? 5. Mii lea Ipmil Arabia-gillii? 6. Goas riegádii ja jámii Muhammed? 7. Mii lea muslimaid bassi girjji namma? 8. Gávdnojit sierra eallinnjuolgga- dusat, dahje lágat maid muslimat čuvvot. Manin gohčodit dáid lágaid? 9. Man ollu muslimat (birrasii) ásset Norggas/Suomas/Ruoŧas? Daga ja oahpa eambbo­ 1. Čále isláma oskkudovddastusa gir- jásat nu čábbát go sáhtát. Sáhtát čiŋahit birra. 2. Geahča kártta s. 5. Čilge main riik- kain isláma lea váldooskkoldat ja gos lea eanaš šiaisláma ja sunni­ isláma. Geavat atlasa veahkkin! 3. Ohcet interneahtas govaid moskeain­. Dahket pláhkáha ja čilgehusaid moskea birra. 4. Muhtin muslimat rohkadallet viđa geardde beaivái. Rehkenastte man galle geardde sii rohkadallet vah- kus? Naba mánus? 5. Čilge manne isláma áigerehket álgá jagi 622 m.Kr.? 6. Rehkenastte: Guđe jahki lei isláma áigerehkegis go mis lei jahki 2000? 7. Rehkenastte man boarisin Muhammed šattai. 8. Sárggo dáhki ja vihtta čuoldda mat dollet dáhki badjin. Dáhkis lea nam- ma: Isláma. Čále juohke čuldii na- maid das mat leat Isláma vuođđun. 9. Dahket Isláma sátnegirjjáža gos čilgejehket čuovvovaš sániid: hijab, minbar, korana, Isláma, muslim, mekka, sharia, muhammed, mos- kea, ramadan, id, kaba, hadith, sure, mihrab, imam, hala, haram, sharia, minarehta, ashura, (Muhtin sánit leat namat ja galget čállot stuorra álgobustávain. Bardet sániid alfabehtalaččat. 10. Gávnnahehket guđe guovllus Mekka lea. Gokko sáhtášii de bidjat mihrab din luohkkálatnjii? 11. Maid don muittát isláma birra? a) Čále buot maid muittát. Muital maiddái gos don leat oahppan dáid. á) Bargga teavsttain s. 6–26. Loga ingressaid, geahčat govaid ja loga govvateavsttaid! Čále 8 fáktacealka- ga isláma birra. b) Leat go oahppan eambbo? Lasit. Rohkosboddu Åkeberggeainnu Moskeas, Oslos. Moskea guok- te minarehta ja leat čáb­bát čiŋahuvvon. Isláma davviriikkain