Ovttas - Oskkoldagat ja eallinoaidnu

Gánddat koranaskuvllas, Pakistanas. Isláma 24 25 Eai buot muslimat leat ovttaoaivil das mii lea rivt- tes osku ja vuohki mo oskut. Isláma lea surggii­dan máŋgga suorgái, muhto leat datte guokte váldo osku­vuogi. Dat leat sunni­isláma ja šiaisláma. Sunni mearkkaša árbevierru. Muhammeda árbe­vierut leat dehálaččat sunniislámas. Birrasii 85 % buot muslimain čuvvot sunniislámaoskkoldaga. Šia mearkkaša bellodat. Muslimat geat čuvvot šiaisláma­ oskkoldaga, gulle Ali bellodahkii. Ali lei Muhammeda vilbealli ja náitalan su nieiddain, Fatimain. Šiamuslimaid mielas Ali lei rivttes olmmoš šaddat jođiheaddjin go Muhammed jámii. Ali bártnit Hassan ja Hussein galggaiga jođihit islámaoskkoldaga maŋŋá Ali. Dat ii dáhpáhuvvan. Jagi 680 m.Kr. Hussein fallehii dalá isláma jođiheaddji, muhto vuoittáhalai ja duššai Kerbalas. Kerbala lea gávpot otná Irakas. Šiamuslimat muittašit Hussein ja dan beaivvi gohčodit namain ashura . Dat lea šiamuslimaid dehálaš bassibeaivi. Sunniisláma ja šiaisláma Šiamuslimat Kerbalas ráhkka­neamen Ashura festiválii. Ashura loahpaha morašáigodaga mii lági­ duvvo Hussein muitta­ šeami dihte.