Ovttas - Oskkoldagat ja eallinoaidnu

Humanisttalaš Eallinoaidnu 162 163 Norgga Humanehtalaš Searvi vuođđuduvvui jagi 1956. Kristian Horn lei su namma gii vuođđudii searvvi. Searv­vis leat birrasii 75 000 miellahtu. Sii geat leat miellahtut, gohčoduvvojit humanistan. Leat ollu olbmot Norggas geat gohčodit iežaset humanistan, muhto eai leat miellahtut Norgga Humanehtalaš Searvvis. Humanisttat oaivvildit ahte juohkehaš galgá beas­sat eallit ráfis, friddjavuođas ja vuoiggalašvuođas. Searvi ovd­ dida olbmuid friddjavuođa beassat oskut maid dáhttot. Sii galget maid beassat vál­ ljet eret oskkoldaga. Mánát galget skuvllas oahppat buot oskkoldagaid birra. Humanisttalaš Searvvit lágidit ávvu- demiid ja rituálaid sidjiide geat háliidit earálágan doaluid, dahje oskkukeahtes gásttašeami, rihpaid, náitima ja hávdádusaid. Máilmmi Humanisttalaš Searvvit ovddidit olmmošvuoigatvuođaid ja gehččet bearrái ahte dát čuvvojuvvojit. Friddja cealkin lea maid dehálaš hu- manisttaide. Sii oaivvildit ahte lea olmmošvuoigatvuohta beassat cealkit jitnosit maid oaivvilda. IHEU ( International Human Ethic Union) vuođđuduvvui jagi 1952. Dalle sáhtte máilmmi humanist- tat bargagoahtit ovttas ja ovddidit áššiid nu go oskkoldatfriddjavuođa, olmmošvuoigatvuođaid ásaheami ja ovddideami ja geahččat bearrái lágaid čuovvoleami. Humanehtalaš Searvvi logo, govvi- da ilolaš olbmo. Mo don láhttet go ilosmuvat? Humanisma 1900-logus háliidedje humanisttat dahkat servviid ja bargagoahtit ovttas. Ruoŧa Humanisttalaš Searvi vuođđuduvvui jagi 1896, Suoma Humanisttalaš Lihttu vuođđuduvvui jagi 1968, ja Norgga Human­ ehtalaš Searvi vuođđuduvvui jagi 1956. Dat leat Davviriikkaid stuorámus humanisttalaš searv­vit. Sis leat oktiibuot birrasii 80 000 miellahtu. Sii vuostá­ lastet stáhtagirku ja oaivvildit ahte juohkehaš gal- gá friddja beassat čuovvut iežas oskku. IHEU lea máilmmi humanisttaid searvi. Davviriikkain Dáid rihppadoaluid gaskka lea 60 jagi. Vuosttaš humanisttalaš rihppadoalut Norggas čađa­ huvvojedje jagi 1951. Frida H. Grossmann čájeha duođaštusa maid oaččui jagi 2011.