Ovttas - Oskkoldagat ja eallinoaidnu

Humanisttalaš Eallinoaidnu 159 158 Humanista geaŧus hávdái Eanaš olbmot dáhttot ávvudit ja muittašit stuorra dáhpáhusaid eallimis, muhto eai buohkat dáhto ipmiliid ja oskkoldagaid vieruid ja dábiid čuovvut. Danne lea Norgga Humanehtalaš Searvi ásahan rituálaid sihke riegádeapmái, rihppii, náiti- mii ja jápmimii. Oahppásat ja fuolkkit čoahkkanit ja lávlun, diktalohkan ja sártnit leat dábálaš ávvudan- vuogit. Mas mii diehtit mii lea buorre? • Livččen go mun liikon jos dát livččii munnje dáhpáhuvvat? • Makkár váikkuhus lea dán dagus? • Maid celket olmmošvuoigatvuođat dán hárrái? Dáid lea vuogas jearrat jos ii dieđe lea go du dahku buorre vai ii. Lea maid ávkkálaš jurddašit: Don galggat nubbái dahkat seammá go háliidivččet ahte nubbi dutnje dagašii. Dát lea hu- manisttaid deháleamos eallinnjuolggadus. Dát njuolggadus lea oahpis maiddái máŋga oskkoldaga eallinoainnuin. Lea vuogas geavahit iežas mihttomearrin go áigu gávnnahit mo galgá láht­ tet. Maid háliidan mun ahte earát barget jos mun givssiduv­von? Maid háliidan mun ahte earát galggašedje munnje bargat jos mun lean ođđa oahppi ceahkis, ja in dovdda ovttage? Dahku lea buorre jos dat dahká ahte olbmot ožžot buoret dili. Dattege mii fertet vuos iskat ahte lea go min dahku nu ahte dat duođai buorida nuppi dili? Olmmošvuoigatvuođat ON:a olmmošvuoigatvuođat jagi 1948 rájes ja mánáidvuoigat­ vuođat jagi 1989 rájes leat dehálaččat humanisttaide. Humanisttat oaivvildit ahte buot olbmuin lea seammá árvu beroškeahttá das maid sii oaivvildit, maid sii oskot ja makkár duogáš sis lea. Buot olbmot ánssášit árvvu, ja buorre eallima. Olmmošvuoigatvuođat leat buot olbmuid várás. Gierdevašvuohta ja árvvusatnin leat alla árvvut humanisttaide. ON-leavga. Olmmoš vuoigat­vuođat.