Ovttas - Oskkoldagat ja eallinoaidnu

risttalašvuohta 142 143 Loga ingressa ja vástit 1. Maid mearkkaša sátni: Girku? 2. Maid barget risttalaččat girkovisttis? 3. Namut muhtin bargiid geat barget girkus! 4. Manin mii gohčodit sin geat mannet girkui, čohkkájit skiippas ja čuvvot Ipmilbálvalusa? 5. Mat čađahuvvojit girkovisttis? 6. Geat galget geahččat bearrái ahte girkovisti lea ortnegis? Daga ja oahpa eambbo­ 1. Čuovvot girkostallama. Sáhttibehtet šiehtadit báhpain dahje girko­bálvváin ahte dii oažžubehtet geahčadit ja govvet girkovistti stohpogálvvuid ja huksehusa. Báhppa ja girkobálvá dovdaba ja diehtiba girku historj­ já. Bivdet sudno muitalit. Dahket ceahkke­latnjii seaidneáviissa, dahje buktet ovdan dihtoriin din oahppo- mátkki girkui. Bovdejehket váhne- miid, eará ohppiid ja oahpaheddjiid geahččat ja gullat din ovdanbuktima. 2. Ságastehket girku bargiin. Maid sii barget? Galgabehtet hábmet ja čállit gažaldagaid ovdal go mannabehtet ságastit ja jearahallat. Geat barget girkus? Bisma Bisma lea bajimus báhppa bismagottis. Son geahččá bearrái buot báhpaid geat barget su guovllus. Muhtimin son johtá iežas guovl­lus ja dearvvaha searve­gotte­lah­tuid. Bisma galgá maid bidjat ođđa báh­paid bargui ja fuola­hit ahte báhpat čuvvot buot girkolaš njuolggadusaid ja lágaid rivttes láhkai. Báhppa Báhppa sárdnida girkus. Son gásttaša, rihppe, náitá ja hávdáda olbmuid. Son galgá leat maiddái mielde ráhkkaneamen meanuide. Searvegottelahtut sáhttet báhpain váldit oktavuođa ja bivdit sus veahki jos lea dárbu. Muhtimin sáhttet searvegottelahtuin badjánit váttisvuođat maid sii eai nagot okto čoavdit, ja dalle sáhttá báhppa dahje diakona veahkkin gávdnat čovdosiid. Girkodulka Girkodulka galgá dulkot báhpa sártni, jos searvegottis ii leat seammá eatnigiella go báhpas. Juohke olmmoš galgá beassat gullat ipmilsáni eatnigillii. Dulka galgá máhttit gielaid bures, vai sárdni šaddá nu mo báhppa dan sárdnida. Diakona Diakona veahkeha báhpa, muhto eará láhkai go girkobálvá. Son oahpaha rihp- paskuvlaohppiid, fitná boarrásiidsiiddas, ja hálešta searvegottelahtuiguin. Son lágida deaivvademiid ja mánáidbot- tuid. Diakona sáhttá oassálastit maiddái ipmilbálvalussii. Girkobálvá Girkobálvá goaivu ja deavdá hávddiid, ja čorge ja divvu girku jos lea dárbu. Son bidjá lieggasa ala, cahkkeha gintaliid ja dahká buot gárvvisin ovdal ipmilbálvalu- sa. Son galgá maid bielluiguin čuojahit. Bisma ja báhpat geat barget su bismagottis. Báhppa ja girkodulka.