Ovttas - Oskkoldagat ja eallinoaidnu

risttalašvuohta 133 Risttalaččat ávvudit stuorra dáhpáhusaid eallimis. Stuorra dáhpáhusat sáhttet leat go mánná riegá­ da, dahje go gávdná guoimmi mainna háliida eallit ovttas. Gásta, rihpat, náitin ja jápmin leat stuor- ra dáhpáhusat olbmuid eallimis. Njuorat mánná gásttašuvvo girkus ja dán láhkai son šaddá searve­ gotte­lahttun ja risttalažžan. Go nuorra lea fargga ollesolmmoš, de son čuovvu rihppa­skuvlla mii loahpa­huvvo ávvudemiin. Risttalaš párat náitalit girkus ja lohpidit Ipmilii ahte soai áiguba eallit ovttas eallinagi. Go olmmoš jápmá, de su rumaš hávdáduvvo girkoeatnamii, dahje boldo stuorra oapmanis. Eai leat dušše risttalaččat geat čuvvot dáid meanuid. Ollugat čuvvot meanuid go dat lea šaddan árbevierrun ja dábálažžan sin kultuvrras. Dán oasis oahpat Mo čađahuvvo gásttašeapmi Mo čađahuvvojit rihpat Mo čađahuvvo náitin Mo čađahuvvo hávdádeapmi Rihppaskuvlaoahppi jugista viinna. Ruksesviidna lea Jesusa vara symbola. Risttalaš geaŧus hávdái 132 Lagamuččat čoahkka­nan dahkat loahppa­dearv­vuo­ đaid jápmán ustibiin.