Ovttas - Oskkoldagat ja eallinoaidnu

risttalašvuohta 127 Juovllat Juovllat leat risttalaččaid deháleamos alla­­basit. Ollugat ávvudit juovllaid ja čuvvot seammá árbevieruid go rist­ta­ laččat. Dan sii dahket go dat leat áiggiid čađa šaddan kultuvran ja árbe­vierrun. Sámit ávvudedje dálve­áigejorggáldaga ovdal go ohppe ristta­laš­vuođa birra. Dálve­áige­jorg­gáldat lea seammá áigge go juovl­lat. Dalle sii ávvudedje ahte áigi jorga­la ja beaivváš fargga ihtá. Dan áig­ge lea seavdnjat ja jaskat. Olbmuin lei dilli čoahkkanit, jaskkodit, suohtastallat ja ávvudit. Risttalaččat ávvudit Jesusa rie­ gádeami. Ii oktage dieđe áibbas vissá- sit goas Jesus riegádii, muhto muhtimat leat oktii áigá mearridan ahte risttalaččat galget Jesusa riegá­deami ávvudit Juovla­ mánu 25. b. Sámis lea dábálaš juovla- ruohta jo álgit ávvudit, Juovlamánu 24.b. Risttalaččaid gaskkas lea Jesus guovd­dá­ žis juovllaid áigge. Jesus lei eren­oamáš, ja Lukas evangelium muitala ahte son riegádii dego dábálaš mánná, geafes bearrašii. Muhto Jesus lea maiddái oassi Ipmilis. Ipmil sáddii bártnis eatnamii, vai son oažžu lagat oktavuođa olbmuiguin. Juovllat leat bearašallabasit. Dat meark­ kaša ahte bearašlahtut ja fuolkkit čoahk­ kanit, boradit njálgga borra­mušaid ja addit guđet guimmiide skeaŋkkaid. Risttalaččat oskot ahte Ipmil sáddii bárt- nis dego skeaŋkan olbmuide, ja danne lea šaddan árbe­­vierrun addit guđet guimmiide skeaŋk­kaid. Bearrašiin leat dávjá árbe­vierut das maid sii borret ja mo sii ávvudit. Dábálaš borramušat leat spiinneerttet, bohccobiergu ja sávzza­boahkkebiergu. Muhtimat bor- ret maiddái dorski dahje eará guoli. Muhtimat lávlot juovlasálmmaid ja váz- zet juovlamuora birra. Dán sii dahket suohtastallama ja ovttastallama dihte. Skuvllat giddejit ja eará bargo­sajiin leat maid friddja dahje oanehis bargoáiggit. Muhtimat ráhkkanit dárkilit juovllaide. Adveantaáigi lea ráhkkanan áigi juovl- laide. Dalle lea violeahtta ivdni girkus ja ollu ruovttuin leat čiŋat vio­leahtta ivnniiguin. Beaivvi ovdal juovlaruohta lea dábálaš bassat dálu bures, ja čiŋahit sihke juovlamuora ja muđui dálu. Dábá­ l­aš juovlačiŋat leat juovlastálut, eŋgelat, násttit ja váimmut. Adveantagintalat. 126 Risttalaččat ávvudit Jesusa riegádeami. allabasit Risttalaš allabasiid áigge olbmot gudnejahttet dáhpáhusaid Jesusa eallimis. Juovllaid mii ávvu- dit Jesusa riegádeami. Beassážiid muittašit mii dáhpáhuvai go Jesus russii návlejuvvui. Kristusa albmái­mannanbeaivi lea nammaduvvon das go Jesus manai albmái. Hellodagaid iđii Bassi Vuoigŋa máhttá­jeddjiid ovdii.