Ovttas - Oskkoldagat ja eallinoaidnu

risttalašvuohta 122 123 Jesus lea ristta­lač­ čaid ovdagovva Jesus lei buorre. Son dálkkodii buhcciid, ja geahčai bearrái ahte olbmot ožžo borra­muša ja veahki. Son lei ovttas ol- bmuiguin geat olgguštuvvojedje. Ollu risttalaččat háliidit eallit seammá láhkai go Jesus. Sii veahkehit gefiid, ja vuos- tálastet eahpevuoiggalašvuođa sihke iežaset guovllus ja muđui máilmmis. Veahkkebargit veahkehit olbmuid go lea dárbu. Dás oaidnit Eric Ole Gjerdrum juohká biepmu Moskva gefiide. Muhtin olbmot háliidit gádjut olbmuid geat vásihit heakkaváralaš lihkohis­vuo­ đaid. Sii hárjehallet ollu vai galget máht- tit gádjut olbmuid go lihkohisvuođat deaividit. Risttalaččat rohka­ dallet Ipmilii Rohkadallan lea dehálaš oassi das ahte leat risttalaš. Rohkadallan lea ságastit Ipmiliin. Rohkadallamis sáhttá juohkehaš leat rehálaš ja buktit ovdan sihke buriid ja bahás vásáhusaid eallimis. Rohkosa bokte sáhttá maid átnut ándagassii jos lea bar- gan juoidá mii ii leat buorre. Muhtimat rohkadallet jos dárbbašit veahki čoavdit váttisvuođaid. Ollugat rohkadallet earáid ovddas ja máilmmi ovddas. Risttalaččat rohkadallet goas heive. Sis eai leat rohkadallan­áiggit maid galget čuovvut. Risttalaččaid deháleamos rohkos lea Áhččámet Áhččámet, don guhte leat almmis. Basuhuvvos du namma. Bohtos du riika. Šaddos du dáhttu, mo almmis, nu maiddái eatnama alde. Atte midjiide odne min beaivválaš láibbi. Ja atte midjiide min suttuid ándagassi, nugo mii ge ándagassi addit velggo­laččai­dasamet. Ale ge doalvvo min geahččalussii, muhto beastte min bahás eret. Dasgo du lea riika ja fápmu ja gudni agálašvuhtii. Amen Mat 6. 9–13 Ollu mánát rohkadallet eahkedis ovdal go mannet nohkkat.