Ovttas - Oskkoldagat ja eallinoaidnu

risttalašvuohta 120 121 Ristta­laččaid mielas lea dehálaš muitalit ahte Jesus lei dábálaš olmmoš. Danne lea su birra­veaháš oskudovddastusas. Seammás go Jesus lei olmmoš, de son lei maid Ipmila bárdni. Oskudovddastusas čuožžu ahte Jesus lei sahkanan Bassi Vuoiŋŋa bokte . Dat mearkkaša ahte Jesus ii lean sahkanan dábálaččat, muhto ahte Bassi Vuoigŋa lei bidjan su Márjjá mánnágoaŧu sisa. Márjá lei su eadni ja Ipmil lei su áhčči. Dán láhkái sii čilgejit ahte Jesus lea Ipmila bárdni, muhto seammás dábálaš olmmoš. Bassi Vuoigŋa Maŋimuš oassi oskudovddastusas lea Bassi Vuoiŋŋa birra. Risttalaččat oskot ahte Bassi Vuoigŋa lea oassi Ipmila fá- mus. Sii jáhkket ahte Jesus, ovdal go badjánii albmái, lohpidii sáddet Bassi Vuoiŋŋa mii galggai geahččat bearrái buot olbmuid. Dat galggai leat ol­ bmuiguin ovttas ja várjalit sin, go Jesus ii lean šat sin luhtte. Bassi Vuoigŋa veahkeha risttalaččaid bis­ sut ovttas. Girku lea visti gosa olbmot čoahkkanit leat ovttas. Muhtin oassi Bassi Vuoiŋŋas lea maiddái boahtteáiggi birra. Risttalaččat oskot ahte máilbmi ja eallin ii noga jápmimiin. Sii oskot ahte gávdno agálaš eallin maŋŋá jápmima. Olbmot galget čuožžilit fas ja eallit viidáseappot. Jesus ja Bassi Márjá Bassi vuoigŋa lea dávjá risttalaččaid gaskkas govviduvvon duvván maid Ipmil sáddii várjalit olbmuid. Ipmil Vuosttaš oassi oskudovddastusas lea Ipmila ja sivdnideami birra. Álgo­ teavsttat Biibbalis muitalit mo Ipmil sivdnidii máilmmi, luondduin, šattui­ guin, elliiguin ja olbmuiguin. Dát muita­lusat gohčoduvvojit namain Sivdnádus­muita­lusat. Álggus jáhkke olbmot ahte máilbmi lei sivdniduv­ von juste nu mo čuožžu biibbalis. Dál leat dušše muhtin risttalaččat geat jurddašit nu. Eatnašat jáhkket ahte Ipmil lea plánen máilmmi iežas jurdagiid mielde. Risttalaččat oskot Ipmilii, ja ahte son lea buotveagalaš. Dat mearkkaša ahte sus lea buot fápmu. Oskudovddastusas čuožžu maid ahte Ipmil lea áhčči. Muhtin risttalaččat jurddašit ahte olbmot leat dego Ipmila­ mánát. Ollugat otne jurddašit maid ahte Ipmil sáhttá leat nisu ja seam­más eadni. Sámit jurddašit ah­te risttalaččat leat maiddái eatnama mánát. Dat čáje­ha ahte sámiide lea lea­maš ja lea ain luondu guovddážis eallimis. Jesus Kristus Nubbi oassi oskudovddastusas lea Jesusa birra. Álggus ii lean Jesusis go namma Jesus. Maŋŋá go son lei jápmán, de oaččui nama Jesus Kristus. Kristus mearkkaša: Messias. Messias mearkkaša: Son gii lea vuidojuv­von. Gona­gasat geat elle dan áiggis go Jesus, ledje dávjá vuidojuvvon. Dat čájehii ahte Ipmil lei sin válljen leahkit gonagassan. Jesus oaččui nama Kristus go risttalaččat oaiv­ vildedje ahte Ipmil lei válljen su leat gonagassan. Son lei gonagas go lei ožžon fámu njuolga Ipmilis, beastit olbmuid. Risttalaččat oskot ja jáhkket ahte Ipmilis lea buotveagalaš fápmu. Jesus Kristus. Ollu olbmot leat dahkan gova das go Jesus russii návlejuvvui.