Ovttas - Oskkoldagat ja eallinoaidnu

Isláma 10 11 Allabasit Muslimaid deháleamos basit leat bearjadagat, uhca-Id ja stuorra-Id. Bearjadagaid galget buohkat rohkadallat Ipmilii. Uhca-Id álgá go fástu nohká ja stuorra-Id álgá go bassivádjolus lea čađahuvvon ja geargan. 1. Bearjadat Juohke bearjadat lea muslimaid bassi beaivi. Dalle čoahkkanit albmát/dievddut moskeaide rohkadallat. Rohkadallama bok- te olmmoš lahkona Ipmila. Dalle ii galgga smiehttat eará go dan birra. Gávppašeapmi ja eará máilmmálaš áššit galget orrut. 2. Uhca-id Fásttumánnu, dahje ramadan álgá muslimaid 9. mánus ja bistá 9 vah- ku. Go dat lea nohkan, de buohkat čiŋadit, borret njálgga borramušaid ja addet skeaŋkkaid guđet guimmiide ja mánáide. Ávvudeapmi gohčoduvvo namain Id, dahje uhca-Id. Dán ija muslimat muittašit go Muhammed oaččui korana. 3. Stuorra-id 10. mánnu lea bassivádjolusmánnu. Go dát lea nohkan, de leat allaba- sit fas ja oaffarávvudeapmi. Dat gohčoduvvo namain stuorra-Id. Bassivádjoleaddjit oaffaruššet muhtin ealli dahje šibiha gudnejahttit Ipmila. 4. Ashura Ashura lea šiamuslimaid bassi­ beaivi. Šiamuslimat muittašit dán beaivvi go Hussein duššai. Son lea hávdá­duvvon Kerbalas, Irakas. Ollu šiamuslimat čađahit bassivádjoleami Kerbalai. Uhca-Id ávvudeapmi njálgga borramušaiguin. Mánát ožžot skeaŋkkaid.