Ovttas - Oskkoldagat ja eallinoaidnu

risttalašvuohta 110 111 Čalmmehis Bartimeus Jeriko gávpogis čohkkái muhtin čalmmehis gearjideaddji geaidnoguoras. Su namma lei Bartimeus. Son gearjidii ruđaid buohkain geat vázze meattá. Muhtun beaivve son gulai ahte Jesus lei boahtime geainnu mielde. Bartimeus movttáskii. Son čuorvugođii: ”Jesus, Dávveha bárdni, veahket mu!” Máŋggas šiggo su orrut jaska. Muhto sáhtii go son orrut jaska, go veahkeheaddji lei nu lahka? Ii, son čuorvvui vel garraseappot: ”Jesus, Dávveha bárdni, veahket mu!” Jesus gulai mo soames čuorvvui ja bivddii veahki. Son bi­ sá­nii ja celkkii olbmuide, geat bahkkejedje su birra: ”Viž­ žet su deike.” Nu sii dahke. ”Leage dorvvolaš mie­lain”, sii dadje Bartimeusii. ”Čuožžil, Jesus rávká du iežas lusa.” Jesus lei gullan su čuorvuma ja bisánan. Dál lei veahkki lagabus go goassege ovdal. Bartimeus njuikii bajás, ja nuolastii olgguldas biktasis. Son dolvojuvvui Jesusa lusa. Das soai dal čuoččuiga, čalmmehis gearjideaddji Bartimeus ja Jesus. ”Maid dáhtut mu dahkat?” jea­rai Jesus. ”Hearrá, váre attášit munnje oainnu ruovtto­ luotta,” vástidii Bartimeus. Dalle Jesus celkkii: ”Vázzil! Du osku lea beastán du.” Dallánaga Bartimeus oaidni­ gođii. Jesus lei veahkehan su. Son čuovvulii Jesusa ja máinnui Ipmila. Mark 10, 46–52 Luk 18, 35–43 Ođđa Testamentá Ođđa testamentá lea čállon birrasii 2000 jagi dassái. Ođđa testamenttás leat njeallje evangeliuma main leat namat: Matteus, Markus, Lukas ja Johanas. Evangeliumain sáhttá lohkat Jesusa riegádeami, su daguid, eallima ja jápmima birra. Ođđa testamenttás sáhttá maid lohkat mo eallin lei maŋŋá go Jesus russii náv- lejuvvui. Apostaliid daguin sáhttit loh- kat gos Bávlos jođii, ja oahpahii olbmui- de risttalašvuođa. Ođđa testamenttás leat 27 girjji. Jesus dagai ipmašiid Dahkat ipmašiid mearkkaša ahte dahká juoidá mii ii leat vejolaš. Biibbalis sáhttá lohkat ahte Jesus dagai daguid maid ii leat vejolaš dahkat. Son váccii čázi alde, dagai čázis viinna ja gallehii 5000 olbmo dušše viđain láibbiin ja guvttiin guliin. Son máhtii maid ealáskahttit olbmuid geat ledje jápmán. Jesus dagai buriid daguid. Risttalaččat oskot ja jáhkket ahte Jesus lea Ipmila bárdni, ja Ipmil lea buotveagalaš. Dat mearkkaša ahte son sáhttá dahkat buot. Ii lean váttis sutnje dahkat Jesusa daguid duohtan. Ođđa testamentá lea risttalaččaid deháleamos girji. Das leat 27 girjji. 4 Evangeliuma Apostaliid dagut 13 Bávllosa breava Johanasa almmustus 8 Eará breava