Ovttas - Oskkoldagat ja eallinoaidnu

risttalašvuohta 107 Boares Testamentá Eanaš oassi boares testamenttás lea čállon fargga 2500 jagi dassái. Boares testamentá lea stuorámus oassi. Das leat 39 girjji. Álggus leat vihtta Movsses girjji . Vuosttaš Movsses girji muitala mo eana sivdniduvvui. Dasto álget mui- talusat Israel-álbmoga máttuid birra Abraham, Movsses ja Dávvet. Sii sá- gastedje ja šiehtadedje Ipmiliin. Čuožžu maid ahte Ipmil lei sin válljen iežas álbmogin. Boares testamenttás eai leat duššefal muitalusat. Doppe leat sálmmat, divttat ja daja­ husat. Ollu girjjit leat ožžon nama pro- fehtaid maŋis. Dát girjjit muitalit maid profehtat barge ja maid sii muitaledje. Čállit čálle hebreálaš gillii. Bábir ráhka- duvvui papyrus šattus ja pergameant- tas. Papyrus lea muhtin šaddu man hei- vii bures geavahit bábirin. Pergameanta lea navilduvvon ja goikaduvvon spiinne- dahje gáiccanáhkki. Abraham Abraham ja Sárá ásaiga Harranis, 4000 jagi dassá. Ipmil celkkii Abrahamii: “Vuolgge eret eatnamisttát ja sohkagottát luhtte. Mun čájehan dutnje geainnu nuppi eatnamii. Don oaččut mánáid ja áddjubiid ja dudnos šaddá stuora sohka. Mun buressivdnidan du ja attán dutnje fámu.” Abraham ja Sárá joavddaiga Kanaan-eatnamii. Soai leigga boarásmuvvan, ja eaba lean vel máná ožžon. Ipmil celkkii Abrahamii: “Loga násttiid, loga jos basttát. Nu stuoris galgá leat du maŋisbohttiid lohku. “ Go muhtin áigi manai, de oaččui Sárá gándda. Son oaččui nama Issát. Dáhpáhuvai nu mo Ipmil lei lohpidan. Nu šattai Abraham buot juvddálaččaid, muslimaid ja risttalaččaid máddu. Abraham mearkkaša: Máŋgasiid áhčči. 1 Mos 12-21 Biibbal Biibbal lea assás girji ja buot risttalaččaid bassi gir- ji. Bassi mearkkaša ahte dat lea erenoamáš ja ahte Ipmil lea guovddážis. Sátni Biibbal lea hebreálaš sátni, ja mearkkaša: Girji. Biibbalis leat guokte oasi. Ođđa Testamentá ja Boa- res Testamentá. Dát oaniduvvojit OT ja BT. Boares testamenttás sáhttá lohkat Israel-álbmoga máttuid historj­já. Ođđa testamenttás sáhttá lohkat Jesusa ja vuosttaš risttalaččaid birra. Biibbalis leat ollu girjjit, ja dat leat hui boarrásat. Girjjiid čállit leat ollugat, ja sii elle iešguđet áiggis ja iešguđet báikkis. Biibbalis leat kapihttalat ja vearssat, vai lea álki gávdnat čálabáikkiid. Biibbal lea jorgaluvvon ollu gielaide, maiddái sámegillii. Biibbal mearkkaša: Girji. 106 5 Movssesgirjji 12 Historjjálaš girjji 6 Poehtalaš girjji 16 Profehta girjji Boares Testamenttás leat 39 girjji.