Ovttas - Oskkoldagat ja eallinoaidnu

Isláma 9 8 2. čuolda: Rohkadallan (salah) Rohkadallan lea dehálaš oassi islámaoskkoldagas. Dat veahkeha­olbmuid muitit Ipmila. Muhammed lea cealkán ahte buot muslimat galget rohkadallat viđa geard- de beaivái. Ollu muslimat dahket dan, earát fas rohkadallet dušše bearjadagaid, ja fas earát eai rohkadala obanassiige. Bearjadat lea muslimaid bassi beaivi. Son gii áigu rohkadallat, galgá leat buhtis. Sii basset sihke julggiid, ámadaju ja gieđaid ovdal go rohkadallagohtet. Sii lebbestit vel ránu láhttái gokko áigot rohkadallat. Olmmoš gii rohkadallá, galgá gopmirdit ja rohkadallat Mekka guvlui. Sus leat erenoamáš lihkastagat go rohkadallá. Sánit maid son gal- gá dadjat rohkadaladettiin, leat mearriduvvon ovddalgihtii. 3. čuolda: Máksit divada (Zakah) Isláma njuolggadusat mearridit ahte buot muslimat galget máksit oasi iežaset sisaboađus. Dát ruđat galget leat ávkin gefiide. Dát lea vuogas vuohki árkkášit gefiid. 4. čuolda: Fástu (sawm) 9. mánnu lea muslimaid fásttumánnu. Dát mánnu gohčo­ duvvo namain ramadan. Sii geat čuvvot dán njuolgga- dusa, galget olles beaivvi leat sihke borakeahttá ja jugakeahttá­. Eahkedis, go lea sevnnjodan, sáhttet borrat. Dalle dávjá čoahk­ ka­nit oahppásat ja fuolkkit, ja sii málistit ja borret njálg­ga bor­ ra­muša. Ollugat čuvvot dán njuolggadusa, muhto eai buohkat. Mánát eai dárbbaš čuovvut fásttu. Sáhttá leat váttis olles beaiv­ vi orrut borakeahttá. Ollugat čuvvot fásttu, danne go Ipmil dáht­tu. Earát oaivvildit maid ahte lea dearvvašlaš rupmašii. Son gii čuovvu fásttu, ádde buorebut mo lea leahkit geafin ja dovdat nealggi. 5. čuolda: Bassivádjolus Mekkai (hajj) Mekka lea muslimaid bassi gávpot. Muhammed bođii Mekkas, ja doppe lea Kaba. Kaba lea huksehus maid profehta Ibrahim lei huksen. Kabas lea čáhppes geađgi čiegas man musli- mat jáhkket lea almmis boahtán. Islámaoskkoldaga njuolggadus muitala ahte buohkat geat sáhttet, galget oktii eallinagis fitnat bassivádjolusas Mekkas. Bassivádjolusas galget muslimat vázzit Kaba birra ja muittašit muitalusaid Ibrahim ja su bártni Ismail birra. Muslimat gopmirdit ránu alde, Mekka guvlui go rohkadallet. Muslimat bassivádjolusas bassi gáv­po­gis, Mekkas. Dás oaidnit ahte bassivádjoleaddjit vázzet Kaba birra­.