Mijjieh daebpene 3

89 Kråavedarjomh eatnemem bååremdieh jïh debpene mineraalh jïh metallh veedtjieh, vuesiehtimmien gaavhtan ruevtiem jallh gulliem. Daennie guvvesne saemieh jïjtsh vuajnoeh jïh mïelh kråave-industrijasse vuesehteminie. Jïjnjh deerpesnohkh maam utniejibie leah åljeste dorjesovveme. Dannasinie ålja dan dovrehke jïh vihkele jïh åljasïelth åljam veedtjieh guktie beetnegh dïenesjieh. Guvvesne vuejniejibie ahte åljam saadtegistie veedtjesovveme. Materijellh jïh kjemikaalijh, mejtie åljabååremdimmie-sïelth nåhtadieh, saedteste åljam raerhkieh jïh eatnemem jïh tjaetsieh dyöredieh. Almetjh gïeh dagkarinie dajvesne veasoeh varki skïebtjijieh jïh sååjhtoeh veerehks skïebtjelassh aaj åadtjodh.