Mijjieh daebpene 3

58 Tjåenghkies-tjaalege - Moeretjïeskese ij oktegh buelieh Gearodh Gosse lea gïese joem györeme, dellie nïejtese jallh baarnan jienebh lyjhkestamme. Hijven domtoe gosse sov lïhke, gïese lea györeme jïh sov lïhke sæjhta barre ektede årrodh. Jeenjemes nïejth lyjhkoeh baernide jïh jeenjemes baernieh lyjhkoeh nïejtide. Dam «heterofijline» gåhtjoejibie. Naan nïejth nïejtide lyjhkestieh, jïh naan baernieh baernide lyjhkestieh. Dellie homofijle. Naan aaj gåabpatjahkh tjoelide lyjhkoeh. Dellie bifijle. Ektesne jieledh Ektiejieleme leah gosse gööktesh råakijægan, sinsætnan gearoejægan jïh sïjhtjijægan ektesne jieledh. Dah guaktah dellie pruvrijægan. Almetjh veeljieh dam jielemem mij sijjide bööremes. Naan almetjidie stoerre fuelhkie sjædta jïh jeatjebh veeljieh oktegimse årrodh. Ektesne jieledh ij leah aelhkie, gosse eah gaajhkesh dovnesh iktegisth sïemes.