Mijjieh daebpene 3

45 Guktie veljies-meedije tjoelerållide guvvede Veljies-meedije mijjen åssjaldahkide stuvrieh guktie nyjsenæjjah jïh gaarmanæjjah edtjieh årrodh jïh dåemiedidh. Gosse meedije nyjsenæjjam vuesehte, gie jïjtse hammoem seatede, guktie gåårvede jïh vg. bådtjah lyjhkoe, dellie aelhkie ussjedidh gaajhkh nyjsenæjjah nimhtie. Nimhtems åvtel-bodtes veanhtoeh mijjen åssjalommesidie jïh aarvose «tjihtesjieh» guktie vïenhtijibie gaajhkh nyjsenæjjah nimhtie byöroeh ussjedidh, årrodh jïh vååjnedh. Meedije jis dejtie gaarmanæjjide guvvede goh stoerre, saavrehke, gaarkije jïh veahkadihks nyjsenæjjide jïh maanide. Dagkeres guvvieh mijjen åssjalommesidie dabranieh jïh dellie aelhkie ussjedidh gaajhkh gaarmanæjjah nimhtie. Guktie veljies-meedije mijjen pråvhkoem baajnehte Veljies-meedije jielijeguvviej jïh tv-raajroej tjïrre nïekedsveartenem hammode, gusnie åejvieråållah jïh byögkeladtjh leah gualmije, saav- rehke, læhkoeladtjh jïh cool. Reklaame-daajhtijh tjihtesjieh sjiehteles reklaamem tv-saadtegi gaskese ulmiedåahkan, mah dellie tv-raajroem jallh jielijeguvvide vuartesjeminie. Nå hævvi, dah vuartasjæjjah sijhtieh seammalaakan årrodh goh sijjen jïeleguvvienaestide jïh dellie aelkieh dejtie daevieridie, vaarjojde jïh tjåenide åestedh. Gallesidie, mej leah dagkeres åesteme-jïh beetnehnuhtjeme, naa dovrehke minngiegeatjan sjædta. Såamesh jienebh beetnegh pråvhkoeh goh utnieh, dellie varki lååjkehkinie sjædta. Sïelth mah dorjesidie duekieh, jïjnjh beetnegh almetjijstie tjaabrestehtieh. Gaarmanæjjah = ålmah