Mijjieh daebpene 3

44 Tjåenghkies-tjaalege – meedijen faamoe Mij meedije jïh veljies-meedije? Meedije lea seamma goh gaskoeh. Dah leah ov-messie tv-kanaalh, radijovve-kanaalh, avijsh, plaerieh, DVD, blu-ray jïh Internehte. Meedije mijjide daajroeh jïh saernieh buakta mejtie daarpesjibie daejredh jïh orre aamhts aaj lïerijibie. Dïhte vuartesje jïh saerneste jis mij ov-rïektes seabradahkesne deahpede. Veljies-meedije beetnegh dïenesje gosse reklaameboelhketjh sïeltide duekieh, mah sijhtieh sijjen dorjesi åvteste reklameeredh. Veljies-meedije tjarki mijjem baajnehte guktie mijjieh seabradahkem vuejniejibie jïh guktie eatnemen bïjre ussjedibie jïh magkeres daeverh åestiejibie. Mij reklaame jïh guktie dïhte mijjem baajnehte? Reklaame lea bæjhkoehtimmie mij dejtie dorjesidie almetjidie vuesehte. Reklaame soptseste man hijven dorjese lea jïh eevtjie mijjem dam åestedh. Reklaame-daajhtije ovmessie dïrregh, vierhtieh jïh vuekieh åtna gosse reklaamh hammoedidh, guktie dorjese hijvenlaakandoekelge. Buerie vuekieh gosse reklaamh darjodh leah tjaebpies guvvieh, faavroes, saavrehks, byögkeles almetjh jïh musihke. Muvhtene guvvesne gellie reklaamh, mohte barre akte dejstie lea tjïelkes. Dah jeatjah reklaamh båetieh sueleden. Tjeakoes reklaamine gåhtjoe­ jibie gosse lea reklaame dorjesidie, mejtie ij leah luhpie doekedh. Jielijeguvvine, guvvesne jïh tv-raajrosne maehtieh dorjesh lihkesguvvine vååjnedh gosse nuhtjemisnie. Nimhtie sïelth dorjesem vuartasjæjjide vuesiehtieh. Sponse aaj sïejhme vuekie guktie akten dorjesen åvteste reklameeredh. Sïelth byögkeladtjide jïh saavrehkidie baalhkammaeksieh jåhkoe edtjieh sijjen mïerhkem jïh logovem gaarvojne, daevierinie jallh bïjlesne utnedh. Reklaame nimhtie mijjen åssjalommesidie sueleden «tjihtesje», guktie vïenhtijibie mijjieh daarpesjibie jïh sïjhtijibie dam dorje­ sem, maam reklaame vuesehte. Daamtaj åestiejibie dam dorjesemmij reklaamesne vååjneme jïh govleme.