Mijjieh daebpene 3

40 Vierhtieh tekstesne – Naa Aslak, Næjla jeahta. – gïele galka dan tjïelkes årrodh guktie gaajhkesh dovnesh guarkoeh. Dïsse lissine, tekste galka aaj ulmie- dåahkan sjïehtedh. Tjoeverien aaj baakoeh jïh lahtesh utnedh, mejtie ulmiedåehkie debtieh. – Dellie tjaelien barre «Saemien Aqua datnem gyvjehkinie dorje», Aslak jeahta. Næjla åejjieh baartahtalla. – ij maa nimhtie, dïhte fagkan aelhkie. Tjoeverien dïjrem sjïehtesjidh guktie lustebe sjædta. Öövre vihkele monnen leah positijve baakoeh, nimhtie goh aejlies, orre, raajne, byögkehke, sjiehtele. Vihkele aaj åadtjodh dïjrh meatan, mah tekstem nænnoestieh goh eensi jïh saatnan. – Dïhte vååjnoe ååpsen jïjnje munnjien. Sïjhtem hov barre gaaltije­ tjaetsiem doekedh, Aslak jis njuajjere. – Aellieh maa njuajjerh, Næjla vihth. – monnen leah væjkeles tekste- tjaelijh jïh guvviedæjjah gïeh joe aamhtesinie barkeminie.