Mijjieh daebpene 3

38 Reklaamedïrregh – Daelie tjoeverien ussjedidh guktie edtjien Saemien Aquam åehpie- dehtedh, Næjla jeahta. – Sïejhme vuekieh leah plakaath, bïevnesh, tjaaleldahkh jïh reklaame­ jielijeguvvieh. Darjoen aaj jïjnjh reklaamh TV:ese, radijovvese jïh Internehtese. Tjoeverien Saemien Aqua reklaamem akten sæjjan bïejedh gogkoe ulmiedåahkan vååjnoe. Eevtjem aalkoeraejeste plakaatine, jielijeguvviej­ gujmie jïh Internehtine reklameeredh. Buajhkoes Aslak Næjlam dåerede mubpien tjïehtjelasse. Okseraejkien tjöödtje­ stægan plakaatide vuartasjægan mah vïedtjesne gævnjan. Plakaatesne gaaje stoerre tjaetsie-gåajhkohts. – Mij maa dïhte? Aslak gihtjie. – Dïhte hov buajhkoes. Tjelmie galka dallah dïsse dabranidh jïh almetjh tjöödtjestieh vuartasjidh. Eevre numhtie guktie datne daelie! Gaajhkh reklaame-plakaath gelkieh nimhtie årrodh, buajhkoes jïh dabtemes. Maahta guvvine årrodh jallh mij joemmij tjelmide geasa. Datne kaanne dallah dam gåajhkoehtassem aajhtsih, badth isveligs stoerre! Bijjietjaalege tjoevere aaj giesedh guktie almetjh aejhtsieh, tjöödtje­ stieh. – raerestemmånnoeh naemhtie tjaelien: