Mijjieh daebpene 3

37 Nomme – Månnoeh nommine aelkien. Guktie dorjesen nomme? Næjla gihtjie. – Nomme? Ij goh sjïehth barre tjaetsie?Tjaetsiem hov sïjhtem doekedh, Aslak jeahta jïh Næjlese vuartesje. – Ijjema, ijjema, Næjla sjuehkehte. – månnoeh hov edtjien åehpies nom- mem tseegkedh. Tjoerh «kuule» nommem åadtjodh. Nomme maam aelhkie mujhtedh. Åådtje ålkoerïjhki nommem bïejedh. Jaavoe, daelie daajram! Saemien Aqua! Logove – Daelie tjoeverien logovem darjodh, Næjla jeahta. – galka dabtoes­ mïerhke årrodh jallh guvvieh, mah buajhkoes jïh aelhkie aajhtsedh. Ulmiedåehkie galka dabtedh daerpies dov Saemien Aquam åestedh. Badth månnoeh hævvi såamesh daarpesjien gïeh logovem guvviedieh.