Mijjieh daebpene 3

36 Reklaame-sïeltesne Ojhte Næjla sæjhta Aslakem viehkiehtidh. – Manne hov væjkele dorjesidie maarhnide buektedh, jeahta. – Manne gaajhkem daajram guktie almetjidie eevtjedh dorjesidie åestedh jïh aaj ahte dejgujmie nuktieh. Voestegh tjuerien soejkesjidh. Månnoeh tjuerien vuartasjidh gïese edtjien dorjesem doekedh, guktie dorjesinie nuktieh jïh gåabph dam reklaamem bïejedh. Dåeredh dellie, dle månnoeh aelkien, Næjla Aslakem reesie. Sæjhta barre dallah joe dejnie aelkedh barkedh. Ulmiedåehkie – Gïeh dah, mah tjaetsien ulmiedåehkie? – Gïese sæjhta tjaetsieboehtelidie doekedh? Næjla gihtjie. – Nå, gaajhkide almetjidie abpe daennie eatnamisnie! Aslak vaestede. Næjla njaelkieslaakan föörhkede. – Ih nimhtie gåaredh, tjuerien voestegh unnebe ulmiedåehkiem gaavnedh. Sjïere dåehkiem gaavnedh. Vuesiehtæmman dah almetjh, gïeh tjarres­ lassjh 3 jïh veeljieh tjaetsiem jovkedh jeatjah jovkestahken sæjjan. Næjla jassijes peermem veedtjie, gusnie goerehtimmieh almetji bïjre, mah nimhtie jielieh. – Reklaamesuerkie jïjnjem goerehtamme guktie dagkeres almetjh ussje- dieh jïh damtieh. Dam daajroem tjuerien åtnose vaeltedh gosse aelkien dorjesidie maarhnide juhtiehtidh, Næjla buerkeste. Daajroe – Magkeres daajroem edtjien jïjtjemh dåahkan joekedidh? Næjla Aslakem gihtjie goh sutnjien vïjlele. – Maam ulmiedåahkan sïjhth soptsestidh? Aslak stovlesne jårrele. – Hmmmm, hævvi sïjhtem dah edtjieh mov tjaetsiem åestedh! Næjla mojjehte jïhAslaken gïeteste steereste. – ij lea barre nimhtie, dah edtjieh åestedh. Månnoeh tjoeverien åvtese buektedhman hijven dïhte dov tjaetsie lea. Monnen daajroe naemhtie «dov tjaetsie njaelkemes jïh datne kul jis dam jovhkh.» Reklaame provhkijidie monnen dïjrembïeljele. Hijven jienebh dïrregh gååvnesieh, mejtie almetjidie baajnehtidh. 3 Tjarres:frisk om mnsk. + lassje-avledning