Mijjieh daebpene 3

159 RÏEKTES-BORHTJE EATNEMEN RESURSSE-ÅTNOE • Gosse Nöörje vaaroeh jïh resurssh ålkoerïjhkeste åasta, dellie importeerie. • Gosse Nöörje vaaroeh jïh resurssh ålkoerïjhkese duaka, dellie eksporteerie. • Nöörje dovne beapmoeh, teknologijem, ovmessie deerpesnohkh, dïenesjh/barkijh jïh almetjen-resurssh ålkoerïjhkeste importeerie. • Nöörjen bovresne åadtjoejibie vaaroeh mah importeeresovveme aelpebe åestedh, goh gaarvoeh, beapmoeh jïh teknologijh. • Faalenassh, mah ovmessie teknologiem jïh jeatjah vaaroeh darjoeh, vaarjoeh gåaroehtehtieh jïh beapmoeh sjïdtehtieh, leah sagki aelpebe ålkoerïjhkeste åestedh goh Nöörjeste. • Ij leah nuekies barkijh Nöörjesne mah maehtieh gaajhkide barkojde darjodh, vuesiehtæmman skïemtjijidie sujhtedh jïh sjeakodh. Dannasinie Nöörje almetjenresurssh daarpesje. Nöörjesne eeremes daataingeniöörh fååtesieh, mohte aaj jeatjah ingeniöörh. Ohtsije Lohkh rïektes-borhtjem 159.:-dinie sæjrosne jïh vaestedh.