Mijjieh daebpene 3

149 Guktie produksjovne jïh åtnoe dam ökosysteemem goerpedehtieh? Åtnoe læssene. Dam produsentijste vuejniejibie, gïeh tjoeverieh barre ektede orre vaaroeh darjodh. Dïsse jis jienebh eatnemen-resurssh daarpesjibie. Dah mah eatnemen-resursside duekieh, tjoeverieh jiene- jienebem eatnamisnie kroehkedh jïh gohpedh guktie vielie mineraalh, åljah jïh gaash gaevnieh. Produksjovne jïjnjh isvelihks gassh jïh kjemi- kaalijh eatnamasse luejhtieh, mejtie viht økosysteemide skilkieh. Guktie eatnemedyöreldahkem heerredidh jïh staeriedidh? Maehtiejibie åtnoem unniedidh? Ibie daarpesjh barre orre tjåenieh iktegisth åestedh, maehtiejibie åtneldh-daeverh jïh åtneldh-gaarvoeh aaj åestedh. Maehtiejibie aaj daeverh, dïrregh jïh gaarvoeh jeatjebi­ gujmie låtnodh. Tjoeveribie ekosysteemide staeriedidh mah slaht- jegamme. Dam darjoejibie gosse kaalhkem seejijibie dejtie jaevride jïh eatnamidie mah baetjkies ebreste slaameme. Jis tjuerieh moerh viertedh, dellie tjoeveribie vihth orre moerh eatnamasse skorresjidh, guktie bïhtsegieh, aellieh goh vielie moerh slaemieh.