Mijjieh daebpene 3

148 Tjåenghkies-tjaalege – Produksjovne jïh åtnoe Produksjovne Produksjovne sjædta gosse daeverh darjoejibie, stoerre tseagkerh jallh teknologijem bigkijibie jallh maam joem dïenesten gaavhtan faalijibie. Dïsse jïjnjh eatnemenresurssh daerpies, goh åljah, gasseh, mineraalh jïh moerh. Åtnoe Åtnoe lea gosse maam joem orrem åestiejibie, goh orre vaarjoeh, gaamegh, gåetie-deerpegh, el-njuvviem, bensijnem jallh teknolo­ gijem. Gaajhkh dah daeverh eatnemenresurssijste dorjesuvvieh. Muvhth tjåenieh åljeste jïh moereste dorjesuvvieh, mubpieh jis bommullistie jallh bauksihteste. Ekosysteeme Ekosysteeme lea gaajhke mij jielieminie goh vijrh, juvrh jïh kreekh, åhtoeh, guelieh, mikroorganismeh, ledtieh jïh sjædtoeh mah dan dajvese govlesuvvieh. Gaajhkh dah jielije organismh ektesne jielieh, berkieh jïh ekosysteemide vaarjelieh guktie økosysteemh juhtieh. Pluevie lea vg. ekosysteeme.