Mijjieh daebpene 3

116 Tjåenghkies-tjaalege - Eatnemenresurssh jïh jieliemassh Ressursh Resursse lea mij joemmestie maehtiejibie aevhkine utnedh jïh dïene­ sjidh. Mijjen leah orrestimmes – jïh II-orrestimmes Eatnemenresurssh  jïh almetjen-resurssh.  • Eatnemenresurssh leah: guelieh, ålja, gasse, tjïrre, tjaetsie, ruevtie, moerh, eatneme, bearkoeh. • Orrestimmes resurssh leah: tjaetsie, moerh, guelie, eatneme, kreekh.• II-orrestimmes resurssh ålja gaasse, ruevtie jïh ïrre.  • Almetjenresurssh leah: Almetjh mah leah skuvlem vaadtseme jïh ovmessie barkoeh maehtieh, vuesiehtimmien gaavhtan vytnesjidh, jallh daatamaskijnem jïh Internehtem nuhtjedh. Jieliemassh Jieliemasse lea barkoe mestie almetje dïenesje jallh bïerkene. Mijjen leah golme jielemevuekieh mijjen seabradahkesne: maadth-jieliemassh, Industrije-jieliemassh j h service-jieliemassh. Almetjh mah maadth-jieliemassesne berkieh, dah eatnemenresurssh aevhkine utnieh, goh guelieh, eatnemh, kreekh jïh bovtsh. Laante­ burrieh, göölijh jïh båatsoeburrieh maadth-jieliemassesne berkieh. Industrije-jieliemassesne almetjh ovmessie materijaalh jïh domhph/ maskijnh darjoeh. Maehtieh aaj eatnemenresurssijste ovmessie materijaalh jïh beapmoedorjesh darjodh. Almetjh mah Industrije-jielie­ massesne berkieh, dah fabrihkesne, mejjerijjine, kråavine, leekeme­ gåetesne jïh åljanaaperigujmie berkieh. Ingeniöörh, göölijh, leekedæjjah, snæhkerh, kråavebarkijh, jïh åljabarkijh industrije-jieliemassesne berkieh.