Mijjieh daebpene 2

Laavenjassh Ohtsije 1. Mij saadtergen dabtoes mïerhke? 2. Gogkoe dïhte eatnemen stööremes saadterge? 3. Guktie almetjh jïjtjemsh saedtiebïegki vuestie vaarjelieh? 4. Guktie sjædtoeh saadterginie bïerkenieh? 5. Magkeres ovmessie saadtergh eatnamisnie leah? Darjoje 1. Bïejh dle saedtieh akten njieljen-skaavhtes lihtien sïjse! Båssoeh dellie dejnie ”voepte- båssoejinie”, guktie saedtietjahkine sjidtieh jïh vuejniejidie guktie voepte-båssojen bïegke tjaebpies-laakan saedtiedajvide hammohte! Nimhtie dïhte bïegke bosse guktie saedtietjahkine sjidtieh. 2. Datne lohkeme, guvvide vuartasjamme jïh lïereme naa jïjnjem tempereresovveme, subtrovpeles jïh jueskies sjædtoedajven bïjre. Vuartesjh guvvide mejtie guvviedih! Dagke mij joem, mïsse maahtah guvvide lissiehtidh jallh guvviem jeatjahtehtedh? 3. Lohkh: Guktie almetjh saadterginie bïerkenieh? Sæjroeh: 96–97. Tjaelieh referaatem destie, maam aaj lohkeme! Maahtah tjaelemegoerese dievhtedh gosse leah tekstem lohkeminie, jïh dam viehkine utnedh gosse referaatem tjaeledh. Darhkije 1. Ektesne barkedh: Gogkoe eatnamisnie saadtergh gååvnesieh? Vuartasjidie jïh goerehtidie kaarhtem! Bïeljelidien jïh boejhkelidien sinsætnan! 2. Ektiebarkoe: Darjoeh saadtergem! Daam tjoeveridie gïjregiesiem darjodh jallh giesege. Bïejijidie tjïrre-tjoevkije/tjalse -slampoem eatnamasse 2m2! Aellede baajh ebriem jallh tjaetsiem dohkoe båetedh, ajve biejjiem jïh bïegkem! Baajijidie nimhtie boelhketjem årrodh jïh dle vuartasjidie guktie eatneme sjædta! Tjaeliejidie gærjese guktie pryövenassem tjïrrehtamme jïh mij dehtie goerehtimmeste sjïdti! Guvvide aaj lissiehtidie. 99