Mijjieh daebpene 2

93 Saadterge Trovpeles sååferge Lastemoeretje semhkie Gåehtsuve moerh – beetsehkh, råhtoeh Sååferge Savanne Jalkadahke Doedtere Antarktijsesne. Subtrovpeles sjædtoedajvi stööremes saadterge Afrïjhkesne jïh gaskoeh luvlielisnie. Jeenemes saedtiej jïh saedtievaeriej bïjre ussjedieh gosse baakoem “saadterge“ guvlieh. Ij leah dïhte rovnege goh nommesne lea baakoe saedtie. Daennie eatnamisnie ovmessie saadtergh gååvnesieh. Muvhtene dajvesne leah saedtieh, jeatjah dajvine jis gierkieh jallh jïengh. Muvhtene saadtergisnie ij leah obreme daej minngemes tjuetie jaepiej 1 . Jis tjuatsa Polardajvesne (Antarktijsesne jïh Arktijsesne), dle bïegke varki dam destie viht bosse. Ajve tjahkh jïh jïengh baetsieh. Debpene lea baajkoe. Subtrovpeles saadterginie jueskie jïjjen jïh bïjvele biejjege. Dannasinie eah debpene naan balvh mah dam jueskiem, baajkoem jallh bïjvelem dåastoehtieh. Muvhth saadtergh jueskie, galmes. Baajkoe abpe jaepiem jïh mubpieh jis bïjvele jïh baahke abpe jaepiem. Gosse dellie easkah obreste, dellie eatneme dallah gaajhkem dam tjaetsiem njamma. Bïegke maahta aaj ebriem jallh tjaetsiem voelkehtidh. 1 vuartesjh