Mijjieh daebpene 2

9 1. Gïeh Nöörjem reerieh? Nöörjesne ovmessie almetjh jïh åålmegh veasoeh. Almetji leah ovmessie barkoeh, ïedtjh jïh syjhtedh. Nöörjesne lea almetjereaktah guktie almetjh åadtjoeh jïjtjh veeljedh magkeres barkoeh sijhtieh, giejgujmie ektesne sijhtieh jieledh jïh pruvredh. Almetjh aaj maehtieh sijjen vuajnojde jïih aarvojde dovne TV:ese, Internehtese, radijovvese jïh plaaran åvtese buektedh. Nöörje demokratijes seabradahke, guktie åålmeh­ ståvroe lea. Dellie lea nimhtie, rïjhken åålmege dïhte mij nænnoste guktie Nöörjesne edtja årrodh. Åålmegi ovmessie gïelh edtjieh govledh jïh tjoeverieh eensilaakan jïh sjiehteleslaakan dåemiedidh.