Mijjieh daebpene 2

75 Gosse geografijine barkijibie, dellie edtjijibie daejtie gyhtjelasside vaestiedidh • Man jïlle vaerie lea? • Gusnie staare? • Guktie eatneme dennie rïjhkesne? • Man åvteste eatneme naemhtie sjïdteme? • Gusnie stoerre jaevrieh? • Gusnie jeenemes almetjh årroeh? • Guktie almetjh bïerkenieh? • Magkerh ressursh dennie dajvesne jallh rïjhkesne gååvnesieh? • Gusnie dah jïlle tjahkh? Daennie gærjesne lïerh eatnemen daalhkadahki jïh sjædtoedajvi bïjre, jïh guktie almetjh veasoeh, bïerkenieh jïh dejtie dajvide nåhtadieh. Åadtjoeh aaj lohkedh jïh lïeredh fïerhten eatnemeboelhken bïjre. Geografije lea learoe abpe eatnemen bïjre. Geografije lea baakoe Greekelaanten gïeleste jïh maahta dam naemhtie jarkoestidh: Boejhkelh eatnemem. Jis edtjijibie maehtedh eatnemem boejhkelidh dellie tjoeveribie orre baakoeh jïh lahtesh lïeredh. Daejtie baakojde nuhtijibie gosse boejhkelidh mij saelhtie, tjahke, johke, jaevrie, eatneme, staarh jïh sijjienommh. Geografijesne lïerh guktie eatneme lea sjïdteme jïh guktie daan biejjien lea. Datne aaj lïerh guktie vearelde, daelhkie jïh eatneme leah. Geografijen boelhkesne aaj lïerh gogkoe almetjh veasoeh jïh guktie debpene bïerkenieh. eatneme magkeres eatneme lea dennie dajvesne. Vuesiehtimmien gaavhtan saelhtie­ gaedtie / mearoe­ gaedtie jallh mejtie doedteres laante.