Mijjieh daebpene 2

Politihke jïh politihkere Politihke lea mealtan næn­ noestidh jïh reeredh. Seabredh- jielemem baajnehtidh guktie seabradahke åvtene jïh sjædta nimhtie guktie mijjieh sïjhtijibie. Politihkere lea almetje gie politihkine barka jïh politihkem juhtehte. Politihke krirrieh Politihke krirrieh leah siebrieh, mejtie almetjh maehtieh mealtan årrodh, evtiedidh seabredh-aamhtesidie mah sijjide vihkeles. Dam ïedtji mietie darjoeh, dannasinie sijhtieh gietskies-seabra­ dahkem evtiedidh jallh jeatjahtehtedh. Politihkerh krirride juhtiehtieh. Dah almetjidie soptsestieh guktie sijjieh sijhtieh seabradahkem bueriedidh jïh aaj voejhkelieh åadtjodh mealtan jeatjebh aaj mah seamma aamhtesidie seatadieh. Dah voejhkelieh åadtjodh gïelevedtijh jïh lïhtsegh mealtan. Veeljemh Dan jaepien goh 18 jaepieh illeme jïh leah Nöörjen staate­ veasoje, dellie maahtah dejtie politihkeridie gïelem vedtedh, giejtie mijjieh sïjhtijibie edtjieh stuvredh. Dam fïerhten mubpien jaepien dorje. Politihkerh leah krirrieh tseegkeme jïh voejhkelieh gïelem almetjijstie åadtjodh. Politihke krirriej åvtehkh seabradahkese jïjhtelieh, veeljemi åvtelh. Dah almetjigujmie soptsestellieh jïh jïjtsh vuajnojde bïeljelieh. Nimhtie leah gïeli mietie “håagkeminie”. Veeljemh leah skïereden asken. Veeljemh edtjieh “tjeakoes“ årrodh, nimhtie guktie ij guhte edtjh vuejnedh gïese datne gïelem vadtah. Fïereguhte edtja raeffesne åadtjodh gïelem jïjtsh vuajnoej mietie vedtedh. Veeljemetjïehtjelisnie galka ajve akte almetje årrodh. Meedije Meedijh leahTV:h, radijovvh plaerieh, boelhkeplaerieh, våhkoeplaerieh jïh Internehth. Meedije mijjide bïeljele aamhtesi bïjre mah seabradahkese jïjhtelieh. Muvhtene meedije vuartesje maam politihkerh jïh jeatjebh berkieh, jïh laejhtieh jis mij joem dam demokratijem aajhta. Bïeljele aaj jis aajhtsa maam joemmij ij nimhtie guktie byöroe årrodh. Dah politihkerh meedijem nuhtjieh gosse jïjtsh aarvojde jïh vuajnojde åvtese buektedh. Mijjieh edtjijibie kritihke- laakan ussjedidh, rontestidh mejtie lea saatnan gaajhke mij meedijinie govloe jïh vååjnoe. Politihke – mealtan årrodh • Tjåenghkies-tjaalege 70