Mijjieh daebpene 2

7 Seabredhmaahtoe lea maahtoe dan seabradahken bïjre, gogkoe veasoejibie. Faage seabredhmaahtoe lea daajroe guktie edtjijibie tsiehkiem laetjedh, guktie hijvenlaakan ektesne veasodh. Mijjieh libie gaajhkesh dovnesh seabradahken lïhtsegh. Dannasinie daerpies daajroehjïjtjemh seabradahken bïjre riblijibie , jïh dle jeatjebigujmie rååresjadtedh jïh digkiedalledh. Mijjieh daarpesjibie rååresjadtedh jïh jeatjebi aarvoeh jïh vuajnoeh seabra­ dahken bïjre govledh. Dle maehtiejibie ektesne gïehtjedidh, rååresjadtedh mij bööremes mijjen seabradahkese. Jïh nimhtie sinsitniem lïerehtalledh guktie jïjtjemh vuajnoeh jeatjabidie buektedh. Seabredhmaahtoe sagki jïenebe goh barre maehtedh jïh daejredh. Mijjieh edtjijibie sinsitniem seatadidh, badth mubpide aaj seatadidh giejgujmie ektesne daennie seabradahkesne årroejibie, dannasinie dah aaj seamma vyörtegh goh mijjieh. Gaajhkesi leah dïedteh sinsitniem seatadidh jïh ååktedh, guktie gaajhkesh dovnesh murriedieh jïh buerievoetine veasoeh. Daennie gærjesne åadtjoeh dej bïjre gïeh daam Nöörjem jïh Saemien eatnemem reerieh, lohkedh jïh lïeredh. Daennie gærjesne aaj åadtjoeh lohkedh mij dïhte demokratije jïh mij dïhte politihkere, guktie meedije aamhtside tjoevkedahta jïh mijjem vuajnojde baajnehte. Seabredhmaahtoe Mijjieh tjoeveribie sinsitneste lïeredh. Mijjieh gaajhkesh dovnesh ektesne daennie eatnamisnie veasoejibie. Mijjieh byörijibie sinsitneste lïeredh jïh sinsitniem viehkiehtidh. Jis ibie sinsitneste lïerh, ibie gænnah sinsitniem viehkehth. Dellie libie doepmesovveme. Båavjoeh Aarhtse/Grey Eagle – Ken Jackson. Noerhte-Amrïjhken aalkoeåålmegistie. riblijibie; ribledh skååffedh vuajnoeh mïelh, aarvoeh