Mijjieh daebpene 2

69 Meedijh baajnehtieh Dah gïeh tv:esne, radijovvesne jïh plaerine berkieh, fïerhten biejjien aamhtesh veeljieh, mah sijjen mïelen mietie daerpies almetjidie tjaeledh jïh bïeljelidh. Dej aamhtesi bïjre TV:sne jïh radijovvesne vuejniejibie jïh govlijibie. Dovne Internehtesne jïh plaerine aaj dej bïjre lohkijibie. Jis plaerie tjaala muvhti aamhtesi bïjre, vïenhtijibie vihkeles aamhtesh leah. Jeatjah aamhtesh mah eah leah meedijinie tjaalasovveme, eah leah seamma vihkele. Jis meedije v.g tjaala skuvlesne learohkh sinsitniem nuskehtieh, dellie kaanne ussjedibie: ”Hemmede bielien! Dagke learohkh, maanah nimhtie jis sinsitniem nuskehtieh!”. Kaanne ij leah eevre saatnan. Læjhkan lea nimhtie gosse meedije nimhtie tjaala, jïjnjem dan bïjre tjïelkeste, dellie vïenhtijibie nimhtie lea barre ektede. Meedije mijjen åssjalommesidie naa jïjnjem baajnehte. Politihkerh jïjtsh vuajnoeh jïh aarvoeh TV:ese bïel­ jelieh. Dah sijhtieh almetji vuajnojde baajnehtidh . Dannasinie daamhtaj TV:esne, plaerine jïh radijovvesne vååjnoeh jïh govloeh. Meedijen lea vihkeles jïh stoerre faamoe almetji vuajnojde jïh åssjalommesidie baajnehtidh jïh tsevtsedh, jïh dam hov politihkerh daejrieh. faamoe faamoe almetji åssjalommesidie dijpedh baajnehtidh dijpedh, tsevtsedh Idtjin gaajhkh baakoeh dovhtenh.