Mijjieh daebpene 2

68 Man åvteste meedijh? Meedijh edtjieh mijjide saerniestidh jïh vuesiehtidh mij seabradahkesne deahpene. Meedijen leah saernieh jïh jeatjah deahpanimmieh seabradahkeste. Gosse lohkijibie jïh govlijibie akten aamhtesen bïjre meedijinie, dellie govlesadtijibie jïh aamhtesidie jeatjebigujmie aaj digkiejibie. Meedijh edtjieh gaajhkide bielide aktene aamhtesisnie tjoevkedehtedh, guktie åadtjoejibie jïjtjemh vuajnoem aamhtesistie darjodh. Meedijebarkijh edtjieh aaj kritihke-laakan jïh eensilaakan dam seabradahkem vuartasjidh. Meedi­ je edtja dellie lohkijidie, gïehtjedæjjide, goltelæjjide jïh eeremes politihkeridie aamhtesi bïjre bïeljelidh, mah eah leah buerie dennie seabradahkesne. Nimhtie meedijh demo­ kratijem jïh digkiedim­ miem geehtede dennie seabradahkesne. Politihkerh jïjtsh vuajnoej jïh aarvoej bïjre TV-saadtegis- nie soptsestieh. Jïjnjh almetjh vööjnin jïh govlin guktie sijjieh sïjhtin dam seabradahkem bueriedidh. Meedije tjaala aamhtesi bïjre jïh guvvede daammaam seabradahkesne deahpene. Daennie guvvesne politije aktem almetjem saehtele, gie daaletje politihkem vuas- tele. Gosse meedije tjaala jïh dagkerh saernieh buakta, dellie almetjh dej bïjre guvlieh jïh dej bïjre soptsestellieh.