Mijjieh daebpene 2

65 Fylhkedigkie Gosse tjïelte- jïh fylhkedigkieveeljemh, dellie saadthalmetjh aaj fylhkedægkan veeljesuvvieh. Fylhkedigkie lea bijjemes reerije orgaane fylhkesne, jïh dïhte dam fylhketjïelten barkoem juhtehte. Dej åvtehke lea fylhken åvtehke. Saadthalmetjh sijjen gaskemsh veeljieh guhte edtja fylhke åvtehkinie sjïdtedh. Dïhte edtja jeatjah saadthalmetjigujmie ektine Fylhkeåvtehkinie politihkem jïh barkojde juhtiehtidh. Fylhketjïelte edtja vuartasjidh jïh geehte­ didh mejtie jåarhkeskuvlh juhtieh guktie byöroeh. Dah edtjieh geehtedidh mejtie gaajhkh skuvlelearohkh buerie jïh namhtah baeniesåjhtoem åadtjoeh. Dah edtjieh aaj fylhken geajnojde vuartasjidh jïh dåvvodh. Eatnemevaarjelimmie, njuvvie, kultuvre­ faalenassh jïh jielemem evtiedidh leah jeatjah darjomh, mejgujmie Fylhketjïelte barka. Fylhketjïelte edtja vuartasjidh geajnojde jïh dejtie dåvvodh jis daerpies.