Mijjieh daebpene 2

64 Ella Marie Hætta Isaksen Ella Marie lea 16 jaepien båeries jïh lea Deanun tjïelten noereraerien åvtehke. Dïhte noerepolitihkere jïh satne tjïelten noeri aarvoeh jïh vuajnoeh, mah sijjide vihkele, åvtese buakta. Ella Marie jeatjah noerigujmie jïh tjïelten åejvieladtjigujmie soptseste. Dellie ektesne gaavnehtieh guktie maanaj - jïh noeri tsiehkiem tjïeltesne bueriedidh. Nimhtie tjïelten politihkerh jïh noerh soptsestellieh. Noerh åadtjoeh mealtan årrodh, jïh raerien tjïrrh sijjen dellie nuepie åvtese sijjen vuajnoeh jïh åssjalommesh buektedh. Dellie dah noerh aaj mealtan seabradahkem evtiedieh jïh noeri gïele dellie govloe dejnie aamhtesinie mah noeride dijpieh. Ella Marie sæjhta tjïelten noerh edtjieh politihkem jïh demokratijem seatadidh, jïh nimhtie maanaj jïh noeri tsiehkiem sijjen Gietskies- seabradahkesne bueriedidh. Maam datne sïjhth dennie dov tjïeltesne bueriedidh? Tjaaleme jaepien 2014.