Mijjieh daebpene 2

58 Politihke krirrieh Politihkerh dåehkieh tseegkieh mejtie politihke krirrine gåhtjoejibie. Dah dåehkieh dej aamhtesi gaavhtan tseegkieh, mejtie utnieh eeremes daerpies sijjen seabradahkesne. Muvhth politihkerh utnieh daerpies skuvlemaanah edtjieh fïerhten skuvlebiejjien åadtjodh baahke joptseste gadtsedh. Jeatjebh jis tuhtjieh, bööremes jis beetnegidie nuhtijibie skuvlegåetide jallh skïemtjegåetide, dannasinie nåake gåetieh guktie raaktan slapman. Sijjen mietie byöreme dellie orre skuvle jïh-skïemtjegåetieh dåvvodh jïh bigkedh. Jeatjebh jis sijhtieh dajven almetjh edtjieh åadtjodh jïjtsh dajvesne motovrigujmie voejehtjidh. Naakenh politihkerh dåajvoehtieh sïelth edtjieh båetedh haevtieh jïh kråaveh gohpedh jïh kroehkedh, mah eatnemem, johkide, jaevride skilkieh. Naemhtie dah politihkerh voejhkelieh åadtjodh almetjidie sijjen krærran gïelem vedtedh. Fïerhten politihke krirrien lea programme mij bïeljele guktie krirrie sæjhta seabradahkem bueriedidh. Jïjnjesh hov aktem krirriem dåarjelieh dannasinie dejnie leah sïemes. Dellie maehtieh lïhtseginie dan krærran sjïdtedh. Dïsse aaj gïelem vedtieh gosse veeljemh leah. Dïhte gie jïjnjem soptseste, jïjnjem åådtje vaestiedidh. motovrigujmie vuesiehtimmien gaavhtan skovtere, motovresygkele jnv. haevtiedarjomh bååremdidh jïh eatnamisnie kroehkedh, vg. malmen, ruevtien mietie veeljemeprogramme bïevnese, tjaalege mij buerkeste, maam politihke krirrie sæjhta seabradahken gaavtan barkedh