Mijjieh daebpene 2

Laavenjassh Ohtsije Lohkh tjåenghkies-tjaalegem 54:adinie sæjrosne jïh vaestedh. 1. Mij lea demokratije? 2. Magkerh reaktah almetji leah aktene demokratijes seabradahkesne? 3. Magkerh dïedteh almetji leah? 4. Mij lea diktatuvre? 5. Guktie diktaatore seabradahkem stuvrie? 6. Mij sjædta dejgujmie gïeh eah leah sïemes diktaatoren politihkine? 7. Gïeh leah politihke baataræjjah jïh asyjleohtsijh? Darjoje 1. Guktie demokratije jåhta? 2. Man åvteste daerpies almetjh lierieh lohkedh jïh tjaeledh? 3. Gïeh Nöörjem 2. veartenen dåaroejaepiej stuvrie? 4. Guktie nasisteladtji krirrien nomme lij? 5. Guktie Nöörjen åålmege dejtie nasisteladtjide vuastaladtin? 6. Mejtie nasisteladtji luhpie, tsagkedh almetjh geeremegåatan, jïlhts eah leah mïsse gænnah meadteme? 7. Aktene demokratijes rïjhkesne lea luhpie jiehtedh dammaam sæjhta almetji bïjre mah rïjhkem stuvrieh. Veeljh muvhtem sjïehteles daaletje aamhtesemman bïjre digkiedalledh. Mujhtieh, gaajhkesh dovnesh åadtjoeh jïjtsh vuajnoem dan aamhtesen bïjre åvtese buektedh jïh ij guhte gænnah galkh jïjtse vuajnoen gaavhtan laajhtasovvedh. 8. Nuhtjijidie mohtedimmiediagrammem (lohkehtæjjijste åadtjoejidie). Vuartesjh dle daejtie lahtesidie jïh bïejh dejtie lahtesidie dan demokratijen bealan, diktatuvren bealan jallh kaanne naakenh dejstie lahtesijstie edtjh gaskese bïejedh? åålmehstuvreme, laake, baataridh, reaktah, vaaksjodh, frïjjevoete, tjeakoesvoete, gïelem vedtedh, mealtan årrodh, krirrie, nasisme, mïrrestalleme, asyjleohtsije, gaarvanidh, skuvle, learoe, digkiedalledh, dåeriedidh, krirrie, aassjoestehtedh, geeremegåetie, skilkedh, bovvedh, rïhpesvoete, aejhtedh, stuvremevuekie, propagande 9. Darjoje unnemes vïjhte gyhtjelassh daennie kapihtelisnie. Darjoje spïelem, jïh dïhte gie voestegh minngiegeatjan båata, lea vitneme. Darhkije 1. Vuartesjh dle guvviegærjine, lohkijidie gærjah jïh vuartesjh jielijeguvvieh mubpien veartenen dåaroejaepijste. Soptsestallijidie dan bïjre guktie dïhte seabradahke lij dellie. 2. Lohkijidie plaerieh! Ohtsedidie tjaalegidie seabradahki bïjre gogkoe eah leah demokratije. Vuesiehtidie jeatjabidie dam maam gaavneme. 3. Lohkijidie novellem: Skuvlepåajke . Laila Stien. Maam dïhte soptseste dan daaroedehteme-boelhken bïjre? 55