Mijjieh daebpene 2

Demokratije Demokratije lea åålmeh­ stuvreme. Dellie lea nimhtie, almetjh dah mah nænnoestieh gïeh edtjieh rïjhkem stuvredh jïh guktie rïjhke edtja stuvresovvedh. Jis rïjhken demokratije edtjahijvenlaakan juhtedh, dellie rïjhken veasoji leah muvhth reaktah. Sijjen leah soptsestimmiereaktah, åadtjoeh jaehkedh mïsse jïjtjh sijhtieh jïh edtjieh learoem jïh viehkiem åadtjodh. Eah maehtieh dejtie geereme­ gåatan tsagkedh, aarebi goh aamhtseh leah digkesne gïetedalleme jïh aaj edtjieh åadtjodh siebrieh tseegkedh mah sijjen ïedtjide evtiedieh. Aktene demokratijesne eah leah ajve reaktah, mohte aaj dïedteh. Demokratije åvtene jïh hijvenlaakan jåhta jis almetje jïjtse dïedti bïjre daajra jïh dejtie seatede. Dah edtjieh veeljemidie gïelem vedtedh, lïeredh, skaehtieh maeksedh, laakide jïh njoelkedasside seatadidh, jïh dïedtem jïjtsh dahkojde utnedh. Ovdemokratije Muvhtene rïjhkesne lea dikta­ tuvre. Gosse diktatuvre dellie akte jallh ajve naakenh gïeh abpe dam rïjhkem stuvrieh. Debpene eah leah politihke krirrieh mejtie almetjh maeh­ tieh gïelem vedtedh. Diktaa­ tore jïjtse almetjigujmie laakh tseegkieh jïjtsh aarvoej mietie jïh rïjhken åålmege ij åadtjoeh mealtan årrodh nænnoestidh guktie rïjhke edtja stuvresovvedh. Dah aaj dejtie plaeride jïh tv:ide reerieh, jïh nænnoestieh maam almetjh edtjieh åadtjodh lohkedh jïh maam tv:esne vuartasjidh. Nimhtie hov sijjen dahkojde vöörhkieh. Eah sïjhth vearteneseabradahke edtja åadtjodh daejredh mij sijjen rïjhkesne deahpene. Dah gïeh eah leah eevre sïemes politihkine jïh dejtie nænnoestahkide vustalad­ teminie, geeremegåatan tsagkesuvvieh. Sosijaale meedijh goh facebook jïh youtube dåeriesmoerem tseegkieh diktatuvride, jåhkoe diktatuvrh sijhtieh sijjen meadtide jïh irhkelimmide vöörhkedh. Politihke baataræjjah jïh asyjleohtsijh Politihke baataræjjah jïh asyjleohtsijh leah dagkerh almetjh gïeh tjoeveramme diktatuvrestaatijste rïpmedh. Debpene leah aajhtasovveme goh leah laajhteme dam stuvremevuekiem jïh åvtese buakteme jeatjah aarvoeh, vuajnoeh, åssjalommesh mij diktatuvren vuajnoen vuestie. Jïjnjh baataræjjah jïh asyjleohtsijh leah Nöörjese båateme. Dah asyjlem uhtsieh. Jis asyjlem åadtjoeh dellie diekie laantese juhtieh jïh maehtieh barkoem ohtsedh jïh barkegåetedh. Dej leah seamma reaktah jïh dïedteh goh gaajhkh jeatjah Nöörjen almetjh. diktaatore dïhte gie diktatuvrem stuvrie vearteneseabradahke jeatjah rïjhkh veartanisnie jïh dej stuvrijh asyjleohtsije dïhte gie jearsoesvoetem jïh raeffiem aktene rïjhkesne åhtsa. dan tseahkan båateme sååjhteme sjïdtedh Demokratije • Tjåenghkies-tjaalege 54