Mijjieh daebpene 2

51 Almetjh abpe Nöörjesne dam nasismen vuastaladtin Nöörjen åålmegh dagkeres stuvreme­ vuekiem vuastaladtin. Lohkehtæjjah orrijin lohkehtehtedh, dannasinie idtjin sïjhth maanide jïh noeride bueriem nasismen bïjre lohkehtehtedh. Jïjnjesh dejstie Girkonjárgese dåaroefaangkine jïh tjabrijinie seedtesovvin. Jïjnjh juornalisth barkoejgujmie orrijin, jåhkoe idtjin sïjhth bueriem nasismen bïjre tjaeledh jïh nimhtie jïjnjh plaerieh gaarvanin. Jïjnjh eejhtegh idtjin baajh jïjtsh maanide NS- krirrien noeredåahkan lïhtseginie sjïdtedh. Muvhthalmetjh sueleden nasismen jïh nasisti vööste barkin. Almetjh gïeh idtjin nasisti laakide dåarjoeh, geeremegåatan tsagksovvin. 400 almetjh dåapmoej namhtah dööpmesovvin jïh tyskeerh jallh Nöörjen nasisth hov almetjh buvvin. Dellie goh 2. veartenedåaroe Nöörjesne, dellie meehtin nasisteladtji reerenasse almetjidie geeremegåatan tsagkedh jïlhts eah maam gænnah dorjeme. Juvdeladtjide hov geeremegåatan tsagkin dannasinie juvdeladtje lin, eah dannasinie goh lin mïsse meadteme. Hitler hov sïjhti gaajhkh juvdeladtjh daennie eatnamisnie edtjin gaarvanidh. Nasisteladtjide Saemien dajvesne vuastaladtin Gååvnesieh jïjnjh soptsesh, guktie almetjh dejtie nasisteladtjide jïh tysken dåaroenïeride vuastaladtin. Muvhth almetjh viehkiehtin mubpide Englaantese jïh Sveerjese baataridh. Naakenh vihth Nöörjen jïh Englaanten dåaroenïeride gaarvoejgujmie, beapmoejgujmie, feelenassigujmie jïh jeatjah deerpegigujmie viehkiehtin. Muvhth hov vaaksjoejin dejtie tyske dåaroenïeride jïh Sovjetese, (Roessjese/ Russlaantese) dåaroehearride bïeljelin, dam maam leah vuajneme. Dejtie hov Partisaanine gåhtjoejin. Grini geeremegåatan seedtin dejtie, dah gïeh nasisteladtjide vuastaladtin.